البارحه دخلت على الوالدة الله يحفظها في الليل حول الساعة 12 وجيت أقبل رأسها فلما قبلتها فإذا هي تبكي قلت بسم الله عليتس يا أم ذيب عسى ماشر وش فيتس قالت ياوليدي اليوم في الجريدة مطلعين صورة بزيرين رامينهم أهلهم في المجاري (الله يكرمكم) وقعدت تدور على أخواني الجوله الليلية للتغطية وقعدت تسولف معي قالت الدنيا ياوليدي ماعاد تنومن إلى هالدرجة وصلو أعوذ بالله انتبه ياوليدي في هالرياض قلت يمه الرياض موب كل كذا قالت والله أني خايفه على أخوانك لومت ولا جاني شيء أنتبه لهم ياوليدي لا يجيهم شيء والله أنها أثارت الخوف في قلبي وقعدت أهوجس وش ذا الصورة الي أثرت فيها ولا شفت الجرايد لين جيت هنا ودخلت وشفت الصورة
أعوذ بالله
هذا نتيجة والله الفساد الي أستشرى في المجتمع الله يكفينا الشر 