بعد التحيه..
إليكم ...
عـــاشـــق الـنـســيــان
التحميل هنا
ـــــــــــــ
قبل مانسى وانا اللي عاشق النسيان بالفطره=مع انه واقصد النسيان بعض أحيان ينساني
قبل مانسى وقبل لاتنمحي من راسي الفكره=أقول انسى إذا ماكان بالنسيان إمكاني
على الذكري انا ماعندي استعداد أو قدره=و باكتب موطن النسيان فوق اسمي وعنواني
قبل مانسى أقول انسى ترى الأشواق محتضره =فلا تتعب معي حالك واذا عاندت غلطاني
أنا ماعدت اسوم الود غالي أو رخص سعره=ولا لي بالهوى غايات خليته وخلاني
أنا وشلي بهم وغم ولي في مامضى عبره=أفضل عيشتي مرتاح دون أوهام واحزاني
أنا درب الهوى شفته و عشته وانقضى أمره=ولا ناوي أكرر ماجرى في سالف أزماني
عسى الله يسترك مشكور وان أبديت هالنظره=غريب ابنظرتك راضي ولا يختل ميزاني
انا شاعر نسى معنى أنا في محتوى شعره=أنا المجني عليه بعالم الأشعار والجاني
أنا شاعر نسى اسمه نسى همه نسى عمره=نسى شعره نساه القاف مهما كان ولهاني
أنا شاعر نسى الآمال والأحلام من فتره=نسى الماضي نسى الحاضر نسى قاصيه والداني
ألا في درب هالنسيان لاتوقف حجر عثره=سوى تذكرني او تنسى معاي الأمر سياني
أنا ماخترت نسيانك عسى الخيره بما أكره=أنا سلمت للنسيان تفكيري و وجداني
على فكره قبل مانسى أنا نساي بالفطره=علي ماذكر أنا ناسيك وارجو أنت تنساني
ـــــــــ
من القلب..
وقبل ما انســـى
شكرا للجميــــع
تحيتي