شاب القصيد وباقي الهم ما شاب = ونعيم فكري ما تجاوز جحيمه
يوم انفتح معناي للحرف وانساب = للحزن قيمه واصدق الشعر قيمه
نويت أمّيلها غزل واكسب إعجاب =حديث عشقٍ من نديم لنديمه
لكن حضر هم الشعر والغزل غاب =جا للشعر بين المحاني حطيمه
من يحترق ماله عن النار مجناب =وماهوب شرط إن العواقب سليمة
والشعر لو جاله جماعات وأحزاب = زيف المشاعر لا تمادى ذميمة
ياشينها لا طوّلت حرب الأعصاب =ما ينتصر فارس ولا من غنيمة
ماجا بدون حساب ماجا له حساب =والنصر لاجا سهل مثل الهزيمة
احدٍ عرق وجهه من الوقت صباب = واحدٍ عرق غيره مسبب نعيمه
للفعل روايه وللمجلس آداب =وللمستقيم أفكاره المستقيمة
والصفحة اللي ضيّعت جهد كتّاب =وجودها وسط المجلد جريمة
من عابها يفتح على الناس له باب = يشيب راسه ما عرف من خصيمه
ومن غض طرفه ضاع والوقت غلاّب = والعقل نعمه والجهالة عقيمة
إلى متى زود التفاخر بالأنساب = العز من توّج جديدة قديمة
كبوة جواد الروس من حظ الاذناب = وبعض الاسامي جت لاهلها ظليمه
بس العزى ما ينقص النار مشهاب =من شذ محروم ٍعساه الحر يمه
والفعل بيت وعزه النفس الإطناب = يبنى على الشيمة وبذل وعزيمة
ولو نظرة العالم لنا بدو وأعراب = حنا الأصول الثابتات المد يمه
حنا بنينا المجد من قوّ الأسباب = تاريخنا طبّ العقول السقيمة
وما يلغي التاريخ تظليل الأغراب = الحر يفهم والبهيمة بهيمة
عبيد الازمع
بواسطة سعد الحويماني