[سهيل الشمري]

خذ حالة ٍ مثل حالك به معاناتي = ولاتشتكي لي تراي وربّي ابكي لك
اعيش مثلك ولكن يحكم اسْكاتي = متى على الله نهاية ويلي وويلك
تعال يافاتني واسْمع حِكاياتي= واسْمِعْني اللي جَعلْك مطاول ٍ ليلك
ماراح غال المنى والحظّ ماماتي = بشدّ خيلي عليك وشدّ لي خيلك
حنّا لبعض ٍ سوى لين الفرج ياتي = رغْم انّ جيلي تعدّا سنين عن جيلك
مير انّ نيّاتك اِتْماثل لنيّاتي = يالله هماليلي تناجي هماليلك
يالله نعيش الغرام ونِسْكتْ انْهاتي = وارْمي لمنديل دمعي وارْم منديلك
ونْعيش دنيا رغبْها ذاتك وذاتي = واصْدق مواويلي تعانق مواويلك
نصدح وننسى حكاية (كيفه اسْواتي؟) = تِنْسيني البهْذله واقتل بهاذيلك