[الطائر المهاجر]

في زمانٍ يذيق الحرّ مر القراح= يكتب القاف من حرات تشوي الضمير
صابني احباط من وقتٍ نضح بالجراح= كيف اببدا مدام الأمر ماهو يسير
تعب فكري واشوف الوضع مابه مزاح = وحارت الرجل مدري وين انا به اسير
غيم في الجو في ليلٍ تحدى الصباح= ولا ارعدت قلت هذا للمخيله بشير
واثرها عاصفه تنفث بسمٍّ ذحاح= بآخر الوقت يقتل دونما يستشير
من عرف ينحنى في جيّته والرواح= ومن وقف او يقاوم شرها مستطير
والسبب ما يبي له عقل فيه الرجاح= يعرفه من تفكّر ما انخدع بالصفير
لانزال نتغنّى بمجد قفّى وراح = والخلايق تقدّم والعرب في الحفير
وان درسنا نجيب قْشور مامن صلاح= والشهاده تخلي البعض يصبح مدير
والبعض ماعرف للسرّ في الإنفتاح = شارك الغير يكسر من جناحه يطير
ساند اللي غزونا وامرهم بانفضاح= لو تساهل وسهّل مادرى بالمصير
قالوا اخوان قلنا ماجمعنا جناح= ولا دريتوا بنا واحنا بحال عسير
وينكم قبل عصر النفط يطلق سراح= شعب جايع مريض ولا لقى له نصير
فانتم اللي مع الأتراك قاد اجتياح= كم هدمتوا قرايا وكم قتلتوا اسير
كان تنسون ماننسى البكا والنواح= يروي الجرم تاريخٍ عليكم يشير
وجيتوا اليوم بشعار العروبه وشاح= تدّعون الأخوه كيف هذا يصير
تستغلون طيبة اهلنا والسماح= لين صرتوا هل الديره وحنا الأجير
اي اخوّه وأنتم تشهرون السلاح = بوجه من جا يدور شغل لو هو خبير
وتنهبون الجيوب بكل ماهو متاح = بكل ميدان صاغر كان وإلاّ كبير
ولا وصل لارضكم من ظن فيها الفلاح= شاف نصب ونهبٍ واحتقارٍ خطير
تدعون العروبه مثل طفل السفاح = ما تهمّه اصوله دام يكسب كثير
العرب في الجزيره اصل ماهو نضاح= غير منهو بهجره ماهوى للشفير
حافظ اصله ونسله من ردي النكاح= وحافظ الدين مافرط بشئ صغير
والبقيه صليبي واضحٍ باللماح= او مجوسي وبربر او من ابناء العزير
العروبه مبادي ثابته بالصحاح= نرهي الدم لاجل العرض لو هو غزير
والعروبه امانه في شجاعة كفاح= والعروبه كرم لو عشت عمرك فقير
ارجعوا لاصلكم تدرون ويش اللقاح= واتركوا ارض يعرب تصبح بألف خير