صباح الاشواق المبججه بالتهاني والتبريكات بقرب قدوم عيد الاضحى المبارك ...
عساكم آمسيتوا بخير يالربع انشاله ...
قصيده غـــزليه + عـــاطفيه ...
لكن من نوع آآآخر ..
لو تكرّمتي .. دخيلك ..! يا غلا كل ّ البنات = باغيٍ منك دقيقه (آنتظرها منذو حين)
من عرفتك يا غلاتي وآرسمك بآحلا الصفات = لكن إني في حياتي ما نظرتك (فالعنين)
كم لقيتك في شتاتي ضايعه بين الشتات = كم وجدتك في خفوقي نايمه نوم الضنين
لو وصفتك يا (ملاكي) طايره فوق السمات = ما عرفت إني أصيدك لو تسلّقت السنين
صدرك إلي من نقائه نايمٍ فيه النبات = وعجزك إلي من حلاته ريحته دايم تزين
في تمكّن قولها آسرع من أمواج الفرات = وفي حنان إحساسها حس الامومه للجنين
تسرق الناظر عذوبه تفتنه شدة ثبات = تذهله ذوقٍ ومعنى تسحره لين الجبين
فكرتك ناتج قوالب بين (حال) وبين (فات) = آنّتجت نهضه جديده تسرق أنظار الحنين
اصلها يرجع (غريزي) من قبيلة فكر ذات = ساكنه جوف المَخَادع تحرق آغصان الكمين
تجبره يكشف سكوته لين ما يلقى صفاة = تصبح آسراره (فضيحه) ويصبح إسكوته كمين
حبّها في قلبي آغلى من هِبآت آهل الزكاة = وإحفظت حبي (خزينه) عن عطا جزل اليدين
عاشرتني في عذابي من صباحي للغداة = تسمع لضيم المواجع من آلالامه له ونين
إيه إنتي من سكن خافق تكلّم فالسكات = إيـــه انتي مِن آخيلك تجلسي ثم تسكتين
إيــه انتي من يبعثر جملتي وسط الشفاة = خايفه تطلع عشانك ناويه شيٍ يزين
إيــه إنتي من آشوفك موتتي وجل الحياة = لو آموت آذكر هوآك ولو آعيشك زي قرين
في منامي تحتريني (ما نستني فالصلاة) = إملكت كامل محيطي من شماله لليمين
يا قصيده قد شريتك من زمن ضاع الشُرات = وإشتريتي عمري إلي باقيٍ لاجلك سجين
ثم لقيتي في حياتي من نهاية شخص مات = تلحق الناس الجنازه لين تقبّر هالحزين
لو تكرّمتي .. دخيلك ..! يا غلا كل ّ البنات = زاوري شخصٍ (هواكي) حفرته عمقٍ دفين