ابتدت هذه المحااورة اللي على قولتهم غيــــر
وبصرااحه كانت غيــر
موج القصيد
حي الرفيعه والشرف هو شرفنا = يا سعد قلبي يا هناه وغناته
رفيعة الشان
ياموج يا نبع الوفا ماختلفنا=دامك هنا التفكير يطلق بناته
موج القصيد
هذا قصيدي وبعدنا ما انتصفنا = وجاك الحكي ما بين وده و هاته
رفيعة الشان
وحنا هنا يالموج جينا وشَفنا=ويشهد لكم مكنون صدري غلاته
موج القصيد
حنا حماة اللي يحل ابطرفنا = وحنا هنا عمره وفرحة حياته
رفيعة الشان
عز الله انا للنوادر عرفنا=واللي نوا التفريق تتعب لهاته
موج القصيد
يا بنت بشكي لك من اللي ظلمنا = شخصٍ كذوبٍ والخيانه عباته
رفيعة الشان
مادامنا للسيئة مااقترفنا=يمديه يلحق من فعوله رضاته
موج القصيد
الحمد لله ما بيوم انحرفنا = وابوي ما يومٍ بضيع وصاته
رفيعة الشان
انااشهد انه بالفعل ما نصفنا=وعليه ترجع من علومه وشاته
موج القصيد
الطيب يبقى والمخاليق تفنا = والكاذب افضله يبدي اسكاته
رفيعة الشان
وحنا على درب الشهامة حلفنا=ما نخلفه مادام عشنا حياته
موج القصيد
صديقنا نحفظه لامن عرفنا = ونصير له هادي وحنا امراته
رفيعة الشان
والجزل حنا والقصايد حرفنا=ونعطي لمن تعبت حروفه عصاته
موج القصيد
من كثر غلطات الاوادم تلفنا = حتى لساني ناشفه مع لهاته
رفيعة الشان
من يدمح الزلات يرتااح يهنا=ومن لارقب خلق الله اثبت براته
موج القصيد
يا كم على كثر السوالف وقفنا = وذقنا كدر هذا الزمن وحسناته
رفيعة الشان
ولا على كثر الهرووووج اكتلفنا =ونخلي المغبوون مات بردااته
............
.......
......
...
..
.
صح الله لسانك يامووج القصيد ولااهنتي
ومشكورة ياعُلا على تزويدي بالابيات