مره كنت رايحه للبقاله اشتري حلاو .....(الفلوس سارقتها من اخواني )وامي طالعه .....ايام وانا بزر كانت الشوارع مليانه بزارين عادي كنت اروح للبقاله !!!!الحين ياويل الي يفتح الباب .......
المهم رايحه اركض قبل مااحد يشوفني ويكشفني .....
وانا طالعه من البقاله وطاااااااااااايره إلا وتجي ذيك السياره وتطيرني .........صدمه خفيفه بس اذكر اني طرت
وحلاوي انتثر ....
وبسم الله كني قطوه ....قمت عادي ....
اذكر في ذيك اللحظه كان همي ان مايشوفني احد وانكشف الله يخلف علي ....
وبسرعه اجمع حلاوي والرجال مرتاع (فيك شي... يعورك شي ...اوديك للمستشفى ..اوديك لبيتكم ...)
لا لا مافيني شي ......
وامشي عادي وانا خايفه يلحقني ويعلم ابوي ..............
ويوم شفته طلع على الشارع العمومي .........واركض على بيتنا ...واصك الباب ....واركض على السطح
واتوزى ورى الجدار واكل حلاوي كله ..........
وبعد ماخلصت ......نزلت ولاكن شي حاصل .........
-----------------------------
وهذا سر الطفوله عاد لاتعلمون احد..............