[الخنساء]

المشاركة الأصلية كتبت بواسطة داعي الشوق

متواضعة أتمنى أن تنال القليل من الرضى

،،،،،،،،،،،،،،،،

ياليتنى ياناس ما يوم حبيت = ولا عرفت الحب واللى يحبون
اتنكدت حالى وانا ما تهنيت = اشكي عذاب الحب ياللى تعرفون
طبيت في بحره و ياليت سميت = طبيت بأعماقه مع اللى يطبون
أثره شبيه لساكب الماء على الزيت = يحرق فؤادٍ هام في حب مزيون
دربه عسِـر و يفتت القلب تفتيت = والروح يعسفها غرابيل و شجون
شفت الأمل لهل الهوى عند ياليت = حياتهم لوعات و أحلام و ظنون
الكل منهم فى دعاويه تشتيت = غنى على ليلاه باكي و محزون
ما عاد لي بالنوم وان نمت ما ابطيت = كنى صويب يشكي جروح و طعون
حزين . نومى صار هم و تناهيت = تسرح بى الأفكار و الحال مغبون
من قبل انا باهل الهوى كم تهزيت = أضحك على اللى قال بالحب مجنون
عز الله انى في ما انا قلت أخطيت = أخطيت فالمبدا وفي كل مضمون
و ياليتنى ياناس ما يوم حبيت = ولا عرفت الحب واللى يحبون

صح لسانك ولاهنت
ابيات ترجمت روعة المشاعر
والله يعينك
سلمت ودمت بخير