[الفاضل]

السلام عليكم ورحمة الله وبركاته
اضع هذا النص المتواضع بين ايديكم
عسى ان يحوز على قبولكم


(( على كف الامل ))

على كفّ الامل جيت اشتكي همٍ سطا فيني = وانا كل الهموم السود في قلبي مداهلها
ليامن جيت ابخفيها يخون الدمع في عيني = وتمطرني مزون الحزن في هتّان وابلها
اشوف الحظ لامنّي ترجّيته يواسيني = يزيد الميل بأيامي وابد انّه يعدّلها
الا ياقلبي العاني رجيتك لاتعنّيني = معك وانت الالم والغم والاوجاع حاملها
وعلى حكم الزمن اصبر ترى هذي كذا سنيني = برفقٍ عايش ايامك وسايرها وجاملها
ولو شفت العنا عندك ترى مثلك ملاييني = كثير الناس في دار الحزن توجد منازلها
ولكن لو يجيك اللوم من ناسٍ معاديني = ترى لاخير في نفسٍ مشت باقوال عاذلها

الفاضل