[عبدالله السويلم]

السلام عليكم
هذي قصيده متواضعه موجهه لواحد من الربع امل ان تحوز على رضاااااااااكم

لاواعذاب العين ياشقران من طـول السهر = تقول كن الشوك الى غمضت تحت اجفونها
هذا وانا ياخوك مالي غير يومين وشـهر = وان طولت لاعــاد تنشد حالتك وش لونها
ماكنت اظن السالفه يصبح لها بطن وظهر = لينن حالي عـــودت من دونها في دونها
والله فلا دري هو ملاكٍ صاحبي والا بشر = مار الوكاد انه دمر عيني وعذب نونها
ان كان به ليلى فهي ليلاي من بدو وحضر = وان كان به مجنون بالدنيا فنا مجنونها
مالوم راعي الحب لوّه شقِ جيبه وانتحر=الله يروف ابحالته والله يكون ابعونها
وانا ادري ان اللي بقا ياصاحبي ادها وامر = لكن ابصـبر واحتــسب ماصابني لعيونها