نشبت معركة بين اثنين من الاحبة (شرشحة على كيفك) وأنا اتابع واتحقرص ! القافية حلوة لكن الاثنين عزيزين علي .. قلت ياولد مابدهاش : ابدأ بنفسك فانهها عن غيها ..
ياسلامي ياسلامي والمعونة = يالشباب اللي يحوشون النمارة
الشريف اليوم ياكل معكرونة = خلص الكتشب على ذيك الغضارة
والفطور (فلكس) والغديات تونة = نعنبو من علمك طرّق الحضارة
خابرك ياشين ماترضى المهونة = وش بلاك اليوم دشيت المغارة
تحتمي في ظل ذيك الزيزفونة = وان ضواك الليل رجلك والعمارة
يشهد التاريخ يافرخ الرعونة = يشهد التاريخ يافرخ العيارة
من سبايبكم تعلمنا المهونة = من فعايلكم تجرعنا الخسارة
تشتكي بغداد : ضاعت برشلونة = بين خمر وبين زمر وبين طارة
حال دونه يوم راحت حال دونه = نوّ برد ونوّ صيف ونوّ غارة