[عذب القوافي]

المشاركة الأصلية كتبت بواسطة عبدالله راشد الثويني

السلام عليكم ورحمة الله وبركاته


.
.

ياليتني .. ياناعم العود ماقلت=إن الغلا ، لك ساكن(ن) وسط عيني
سارعت لك من لهفة الشوق واقبلت = قلت إن غيرك مايحرك حنيني
عرفت قدرك ، داخل القلب . وإحتلت=ماعدت ذاك اللي وداده يجيني
أنكرت ، كيف انكرت للحبّ .. واهملت=عهد الغلا اللي كان بينك .. وبيني
بالرغم من ذلك ( احبـّك ) .. ولا زلت=طيفك يراود . عاشقك كل حيني
في خافقي يامتعب القلب .. ماشلت = غير الغلا اللي في عيوني يبيني
لجل المحبه .. كم كتمت ,, وتحمّـلت=صابر لو إن الدمع .. بلل جبيني
إن ضاق صدري . في خيالك تغزلت=ناديت ياجزل الحروف اسعفيني
ماكنت احسبك . عن دروب الهوى ملت=اوّااااه , ليتك يوم حسّيـت فيني
حاولت اغيـّر . نظرتي لك .. وحاولت=لا شك . حبـّك . ماغدا في يديني
امضيت اردد . ليـت .. ياليت ماقلت = إن الغلا لك ساكن(ن) وسط عيني

الجزل / عبدالله الثويني

نص وافي من وافي

لله درك من مبدع

تقديري ,,,,,