[عيد مشعل]

من العايدين ومن الفايزين

وكل عام وأنتم بخير وسلامه

جانا العيد والأفراح عايده = وقام الشاعر يقول بقصايده
ألا ياليت أعايد من أحبه = فرحتي يوم يعايدني وأعايده
ويكمل عيدي وتزهر حياتي = وطير الحب تطربنا غرايده
وصله مزنتاً فوقي تهلي = مع رذاذ المطر فيها برايده
هجره عقب وصله لي مصيبه = وقربه وشوفه ولاماه فايده
غيابه غابتاً فيها ضواري = وتنهشني نموره وفهايده
والمحبه ماهي بكيفك وكيفي = المحبه على العشاق كايده
ألا ياليت يرحم من يوده = وحالتي إللي منه وفيه بايده
عليه أخفي تنهاتي وأهاتي = وكاس الشوق شربته في بعايده
ومن لام المولع فالمحبه =قله يكبر بنومه وسايده
عينه عين الحر النداوي = ماتهده على صيد ألاهو صايده
ورموشاً كما سهوم المنايا = وخده كما البرق ورعايده
وخشمه كما السيف المهند = وشفاياه كما جمر بوقايده
وشعره ليلاً ماينسريبه = وأموت مابين قلايده ونهايده
هومالك الحسن وأميره = وهو شيخه وهو سٍيده ورايده
يسوقني لامن طرالي سايق = سوق الجمل لاسيق بخطام قايده
وأهديه البيوت الوارداتي = مع الشوق والحب وأغلا معايده

وسلامتكم