اسمع كلامـي وانتبـه ياالشمالـي = من سلم امره حاسو الناس دعـواه
مايـا مـن الرجـال سوداليـالـي = والعاقل اللي يتعـظ مـن خطايـاه
ماودي انك تنصدم وانـت غالـي = في واقع ملعـون ابـا جـد تلقـاه
في الوقت ذا حتى الرفيق الموالي = يجيه منك الطيب وتجيـك عجفـاه
وان قلت لي ماهو بسلم الرجالـي = اقول عـوان الدهـر كنهـا ايـاه
وان قلت اخوي وولد عمي وخالي = اقول اخو مثلك وشـرواك مخبـاه
حنابعصـر العولمـة والريـالـي = واللي تسوي فيه معـروف ينسـاه
اشياء من الواقع وكنهـا الخيالـي = المال صار افضل من الوجه والجاه
لاتصير صاحـي تتهـم بالهبالـي = منـت بمثـل هـذا ولا ذا ولا ذاه
لون منـت بواحـد مـن عيالـي = ماجيت بالطاروق يمك من اقصـاه
لكن يشرفنـي الـي قلـت خالـي = ولك الشرف بافعال خالك وممشـاه
وان مارتفع راسك الي جاء مجالي = ماني عشيـر ام الجمـال المخبـاه
مثل الجبـل مانـي بجـال هيالـي = واحد معك اطلق شنـب واتحـداه
وقفت رفيق مـع رفيـق موالـي = ماهو يبورويشرب الرق الي جـاه
اناخويـك قـم تقـف الجمـالـي = واللي يقدم عندنـا الطيـب يلقـاه
هذي يدي واللي طرالـك طرالـي = احد نعـده ربـح واحـد خسرنـاه
واللي علي يطري الي ضاق بالـي = ماهو بضيف في محلي الـي جـاه
اللي لي صكـت علـي ارتكالـي = مطنوخ راس جعل النـذال تفـداه
والمشكلـه لاصارمثـل الشمالـي = في عمق تفكيره وفـي قـو معنـاه
وارسى من ارسى نيفات الجبالـي = ماتملـك رموزالشجاعـه مزايـاه
الزيرسـالـم وابوزيدالـهـلالـي = واذياب ابن غانـم بسيفـه وشلفـاه
يابـو حمـد خـلان يـلا يلالـي = مافيهم اللـي نرسلـه ون تحـراه
لـكـن يلاباروقصارالحـبـالـي = وعطاك ابن عم الفراغـات علبـاه
فلالـك الـي الله عزيزالجـلالـي = واهم شـي طاعـت الله ورضـاه