[الطامي]

المشاركة الأصلية كتبت بواسطة الطائر المهاجر

انا في نجد وخلي بخنشليله= وكلٍ ما درى حالة خليله
يلوموني اذا ما قلت حبي= معه برطم مثل خرطوم فيله
ومناخر تكفي لعشرة كناور=وفمه خيمة تاسع قبيله
اعرفه من سنونه لاتمشى=بغرفه مظلمه في وسط ليله
تقل جاموس لاجاك يتدربى=يهز الارض من رجل ثقيله
خطبها الطامي المنحوس ليّه=يتشرف انني اصبح عديله
سبقني لاختها من قبل مده= يدور للدفا بسود النثيله

هذا قدرك عجوزٍ لها براطم = تقل ملاس هريسٍ خنضليله
تكسر بالعظم من جوع فيها = وتخبص مطبخك في كل ليله
والا منك بغيت العون منها = تمد كراعها وتقول شيله
وهي تدري عن الطاير جخاخه = دنات الدون نفختها تشيله
معه عوقٍ قديمٍ وفيه عله = ولا يقبل لناصح لو تحكيله
ظهره مدوبح وبه عوق ثاني = خراب مساعداته ماتشيله
والا انا فزت بعمهوجٍ غزاله = تشادي لمهرةٍ بنت الكحيله