[روح الشعر]

حنا على الحرقا نعيش المهانات = البال ضايق والمشاكل على الله
كنا سلاطين البلاد المهمات = واليوم نكتب من دمانا أذله
الله من ذله وراها مذلات = تصهل خيول و سيفنا في محله
من عقب كنا نفتخر بالبطولات = صرنا ندور للسلامه مظله
نذكر زمان(ن) قد مضى فيه عزاة= نرقى على روس الصعاب العتله
نأسف رسول الله علينا الملامات= ما هي مراجلنا نرد الأهله
نبكي جراح الموت وانموت موتات=غير الأمل ما بيدنا غير هله
وين انت ياخالد تجيب الفتوحات= على كبير الكفر سيفك تسله
وين انت ياطارق تشوف التفاهات = بين المذابح والأيادي مشله
ياوين ابو طالب يكف المعاناة=ويعيد مجد(ن) ما تزيله أجله
صارت مسامعنا مصمه لصرخات= ممن نخاويهم علينا مطله
نحكي ولا منه لنا غير حسرات = كنا لأنفسنا نجيب المعله
ندعي عسى منه تجاب الدعاوات = مـالنا سوا رحمة حسيب الجبله
عسى بيوم الله يصلح مشينات = ونعيد مجد (ن) يبتغينا اهل له
هاذي حقايق والحقايق أليمات = ما من أحد يرضى بغير الأدله