من اشهر قصائده
يا ما حلا الفنجال مـع سيحـة البـال=فـي مجلسـن مـا فيـه نفسـه ثقيلـه
هـذا ولـد عـم وهـذا ولـد خــال=وهـذا رفيـق مــا لقيـنـا مثيـلـه
يـا ليـت رجـال يـبـدل بـرجـال=ويا ليت فـي بـدلا الرياجيـل حليـه
يا بو هلا طير الهـوى خبـث البـال=الطيـر نــزر والحـبـارى قليـلـه
يا الله يا اللـي طالبـه مـا بعـد قـال=يا اللي مـن الضيقـات نجـى دخيلـه
أفرج لمـن قلبـه غـدا فيـه ولـوال=والنـوم مـا جـا عينـه الا قليـلـه
لا من ذكرت ارموس عصر لنا … زال=شـوف الفيـاض وفقـد عـز القبيلـه
يـا زيـن شدتهـم آليـا روح المـال=يتلـون بــراق حـقـوق مخيـلـه
يسقى خصيفا والثمـان أرضهـا سـال=مرتـع معطـرة السيـوف الصقيـلـه
عجمان لا ركبوا علـى كـل شمـلال=يفـرح بهـم راعـى النيـاق الهزيلـه
من جو ساقـان إلـى السيـف همـال=وينـوش حسنـا والرديفـة هميـلـه
ولا قادنـا مـن يمـه القفـر خـيـال=يصبـح شديـد البـدو عجـل رحيلـه
قاد السلـف واستجنبـوا كـل مشـوال=والعصـر يـا محـلا تخيبـط نزيلـه
وإن شرف البادي على روس الأقـذال=والمـا كثـر الــزول زود جفيـلـه
تلافحـت مـا بينـا شهـب الاذيـال=ومن ضيع المفتـاح يـا عزتـى لـه
ركبـوا علـى طوعاتهـم كـل عيـال=وكـل لبلـج يحـرى بكسـب النفيلـه
تغانمـوا المفـزاع ذربيـن الافـعـال=مـن قبـل تسبـق غـارة تنثنـى لـه
يبغون طوعه روسهـن قبـل الادمـال=وتغانمـوا خلـف كثـيـر هجيـلـه
وحال الكمى من دون عطرات الاجهال=ومـروا ولحقـوا مقحميـن الدبيـلـه
واللى تريـض عقبهـم يلبـس الشـال=مــن صـنـع داود دروع ثقـيـلـه
يلـزم عليهـم علـة عقـب الانهـال=مـن غارتـه لـزم يضيـع دليـلـه
والدم من قحص الرمـك يثعـل اثعـال=يزعـج علـى وروك السبايـا وشيلـه
هـذى براعيهـا مـن المعرقـه مالـ=هوهـذى شكلهـا مطـرق مـا تشيلـه
من وقـع كـل مجـرب قدلـه افعـال=وفـروخ صـاد الحبـارى فصيـلـه
وليـا ركبنـا فـوق عجـلات الازوال=وبايمنـا حـدب السيـوف الصقيـلـه
وما حن نحسب لا شتبك عـج واكتـال=وتـرك صبـى يفتـنـع بالفشيـلـه
وصـلاة ربـي عـد مـا زايـل زال=علـى نبـى الحـق راعـى الفضيلـه