[الطائر المهاجر]

مااستفاد بهالزمن ياكود ثعلب = عارفٍ وشلون يركض ف العجاج
راكب في الموج عشرين الف مركب= واصله صيده ولو هو ف البلاج
كل ما يحتاج يعرف كيف يلعب= وكيف يخفي الذيل في ضحكة حجاج
لين يتسلق وياصل راس مثعب= ينتشي باللي يصبه من خراج
دام همه في النهايه كيف ينهب= راضي مهما حصل دون احتجاج
ولو سأله العم قال الرزق ارحب= خيركم غطى الصحارا والفجاج
كل اسره بكل صيفٍ دوم تذهب= وكل بيتٍ قصر من اغلا الزجاج
والغلابا يشتكوا والفقر يطرب= لا لقى الجوعان ما يعرف لجاج
والشباب اليوم من قهره تكهرب= لا لقى شغله ولا عين زواج
فالاجانب جاهزين لكل مطلب= ضعفنا واضعاف من غير احتياج
صارو اهل الدار يدروا كل مدرب=سايبينٍ في البلد دون انزعاج
ناعمين منعمين بلذ مشرب= ناهبين الخير من كل النتاج
سترهم ميّت ضمير براس مرقب= متخمٍ ماداج في سوق الحراج
والنتيجه ماتبي بالفكر تحسب= واضحه كالفجر وقت الإنبلاج
فاضبط الاعراب لو به شي يعرب= ما يدوم الحال والدرب اعوجاج