[الطامي]

اخي المشرف العام
لاهنت على ادراج القصه وهي تعتير من القصص العجيبه
الا انني لي عليها بعض الملاحظات ؟؟وزيادة بعض الأبيات ونقل وتنسيق البعض منها حنى تظهر منسقه ومترابطه اكثر
وقد اكون مخطي فيها او مصيب الا ان التاريخ امانه
وقد سمعت من كبار السن الكثير من المرويات عن الهلاليون مما جعلني ادلي بدلوي معكم ولعلي اكون مصيب فيه
علما ان الأختلاف لايفسد للود قضيه ؟0

ياركب ياللي مـن عقيـلٍ تقللـو = على ضمرٍ شروى الحنايا نحايل
باوصيكم وصاةٍ ماتثقّل ركابكم = خفيفه على راعي الثنا والجمايـل
واليا لفيتو لاهلكم عقب غربـه = متغبطين فـي بطـون الحلايـل
ولقيتو هبل مايـزرر ثيابـه = هبيل يلعـب بالقلـوب الهبايـل
فقولو لبو زيدانّ بغانـي بغيتـه = وأنّ دوّر البـدلا لقينـا البـدايـل
كمٍ من صموك الحجـل تبلـى بعاقـه = وكمّ عاقةٍ تبلى بوافي الخصايـل
أبا زيد غـرّات الصبـا لاتغـرّك = ترى الهجن خيرٍ بالسرا والقوايل
بالشتا عليك من الهجن عيدهيه= وبالقيظ دوّر من كبار الشمايـل
غزاليّة المقـدم جماليّـة القفـا = عليكم بهـا ياراكبيـن الرحايـل
والله لولا البحـر بينـي وبينـه = لاجيه ماسمع كل مشير وقايل
أبا زيد لوّ انّ النسا تركب النضا = جيتك على وجناّ من الجيش حايل
لكن صريخ الكور حدري وفوقها = ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لاكن صرير المرو من تحت خفها= صرير القطا في محكمات الحبايل
أبا زيد تنساني وتنسـى جمايلـي = الله أكبـر يانـكـور الجمـايـل
نسيت يوم انّ عرق الارطات بيننا = يوم انّ جعدي فوق متنيك مايـل
أبا زيد تنسى يوم ترشـح لذبلـيّ = كما يرشح العطشان باقي البلايل
قولو لا ابا زيدٍ ترى الواديّ امتـلا = وكلّ شعيبٍ من علاويـه سايـل
يبيعون ماباعو ويشرون ماشرو = ولا غبـنن الاّ بالنضـا والحلايل

اخوكم الطامي المري