كما هي
أكثر من بحر
أكثر من تفعيله
أكثر من قافيه
أكثر من هم
أكثرمن جرح
أليكم
أشتاقلك والجـرح بينـك وبينـي = سامحت انا والجرح عيّى يسامـح
والاّانت لين الحين مسكنك عينـي = وفي كلّ شي حولي غدا لك ملامح
تعبت اداري عنك ثـورة حنينـي = وتعبت اروّض شوق بالصدر جامح
ليـه تتركنـي فديتـك = ما دريت انك طموحي
ليـه والخفّـاق بيتـك = والفراك اعظم جروحي
كلّما بالشـوق جيتـك = رحت ما ردّيت روحي
في غيابك ما بقا لي غير حالـي = كلّ ما شفتـه تحطّمـت وبكيـت
غبت عني وانت عندي راس مالي = لِعن بو قلبك على قلبـي قِسيـت
أحترق مليون مرّه وانـت سالـي = مت من همي وكنّك مـا دريـت
لا متى مشغول فيك = وانت ماهمك غيابي
وكل مافيني يبيـك = بس يحلا لك عذابي
اكتئب وابكي عليك = وانت قلبك ما درابي
الخطا ما هو خطاك الّا خطاي = ليتني ما طعت قلبي في هـواك
شوفني للحين احس انك معـاي = ضاعت ايّامي وانا همي رضاك
وتالية صبري معك هذا جزاي = تبتعد عنّـي ويذبحنـي غـلاك
انتهينا ما عليـه = بس باقي كلمتيـن
قلبي اللي كنت فيه = مات لجلك مرتين
يعني يمكن لوتجيه = ما يحن ولا يلين