ياللي تقولو القاف ماهو بمنحوت=جمـلـة كلام مـصـفـف بالـحـواشـي
اما تجـيـبـونـه مــعـذاَ ومـسـموت=والا اهجدو وخلو الشِعر بالبراشي
الشعر ماهو صفصفة حكي وبيوت=ومن اين ماوجهتها قلت ماشي
الشعر فن وذوق كنه بريموت =ماهو مطبق من مطاعم محاشي
كم شاعرٍ مامات شِعره وهو موت =وكم شاعر حيٍ وقافه ماعاشي
وكم شاعر قوله غدا للعرب قوت =شهد العسل ومحكمٍ بالغراشي
من زين قافه ودك تجر به صوت =كنه على علة خوافيك ناشي
وكم قاف شعر اطلق ارقاب من موت =راعيه مايطلب بنظمه عراشي
والصمت حكمه من الشِعر بعض لوقوت = لاصار يلحق صاحبه شر فاشي
وبعض شواعير العرب زينها سكوت=اخير من هرجٍ صاحبه به خباشي