[الأموره]

في صف تاسع في المدرسه الاعداديه فتحوا لوكرات للابلات

يعني للاقتراحات او اذا شيء مو عاجبك او غيره ترسله للابله و مو لازم اسمك ،،

عاد هنا بدت نذاله البنات ،،

كان عندنا ابله تربيه وطنيه و ما شاء الله كلامها كثير و عشان كده ما يحبوها

و ما خلوا شيء الا ارسلوه لها و قالوا ما نحبك و كلام كثير و حصتك ممله و جتها حاله نفسيه من البنات

و ما خبت هالشيء عننا قالت كله بان احترامكم و تقديركم كله بان من الرسايل و حنا مساكين مو كاتبين لها شيء هذيلا الصفوف الثانيه ،،

و كمان عشان ما تزعل كتبنا رساله من بنات صفنا و حطيناها لها ،،

و كان عندنا ابله عربي جدا طيوبه و حبوبه و نقولها اليوم شفتي لوكرك ؟

تقول ما حد اصلا يحط لي ،،

قمنا اشتغلنا بالاستكيرات نكتب لها و معجبتك مدري من وين و من كل الصفوف و كل يوم نحط قريب خمسين رساله ،،

بس اكيد كاشفتنا ،،

و في وحده ن الابلات قعدت تبكي لما قرت رسائل البنات قالت انصدمت من كلامهن ،،

ابله الدين انبسطت عالرسايل لانها من جد تستاهل كل خير ،،

لكن سلبيات هاللواكير اكثر من ايجابياتها ،،

لان كثير من البنات ما يحترمون الشخص اللي رح توصل له الرسائل اللي هم المعلمات

و على كل حال شالوهن لما شافوا هالاشياء اللي تفرح ،،