[QUOTE=داعي الشوق;1590699][size="4"][i]نعود لضيف الأضواء و شاعرنا المميز بكل ما يقدمه
حياك الله شاعرنا داعي الشوق
و سؤالنا هو ،،
- ماذا اضاف الشعر لــ عبدالله السهلي وماذا اخذ منه ؟
ج / والله صراحه لم ارى انه اضاف لي اي شي غير الوجه لمواقع الشعر ومعرفة
الشعراء الطيبين مثلك وشرواك وهذا هو أفضل ما أضافه لي الشعر
واخذ مني كل وقت فراغي
- موقف يتذكره ضيفنا الكريم و حرك مشاعره بابيات ،
ولي عوده و المتابعه
ج / في أحد المرات ذهبت مع صاحبي لأحد الاسواق التجاريه حيث أنه اشترى
لطفلته الصغيره ملابس ولما وصل البيت حصل الملابس حجمها كبير فدق علي
وطلب مني اخاويه وهو عزيز علي فخاويته طبعا ماراح انزل للسوق حيث انه
فقط بيسترجع ما اشتراه ولما طلع من المحل سقط جواله وانكسر و ذهب لمحل
جوالات لاصلاح الواجه
تأخر علي ودقيت عليه حصلته مقفل
نزلت ادوره فالسوق وكان السوق قبل العيد من سنه تقريبا وزحمة نساء
وجيت مع مكان مزدحم وفجأة صدمت يدي بيد بنت بدون قصد وقالت
مستخف دمك
وتأسفت واعتذرت وبنت الاجواد ماقالت شي
ووالله انها بدون قصد
المهم رجعت السيارة وحصلت رفيقي
وكتبت قصيده ولكن زودة فيها حتى يكون لها طرافه
وقلت :
قالت : لي وخر عيب لا مست بيدي
لايستخف دمك ترى الوقت دوار
قلت : والذي سلم بقلبي وريدي
منك العفو ما كان صيدي ولا صار
زحمه وكثر اشيا وناس وحديدي
ومن مختلف اجناس فقرا وتجار
غلطه وعفو>ن واتاسف واعيدي
كبوة جواد>ن ضاق دربه من يسار
قالت : انا بفهم وعقلي فريدي
تبي تمشيها على كثر الاعذار
تراي بستدعي السكرت .........!
ازلام مجناهم على الدم والثار
والله يخلونك سوات العصيدي
وتصير لك قصه مع الناس تعبار
قلت : اسمعي يابنت مني وازيدي
الموت عند اللي حما كل الاقطار
والحين قولي لي وش الي تريدي
ماكل طيرا صار له ريش طيار
لي صاحب>ن يبغى يبدل جديدي
ملابس>ن لبنيته حجمها صغار
يوم اشتراها كان ظنه وتيدي
ويوم انتهى للبيت قالو ذي كبار
في حزة بالعصر وامري عنيدي
دق لي تليفوني وانا داخل الدار
رحنا جميعا صوب سوق>ن بعيدي
بعد المعلق ظنتي غرب الاثار
ولما وصلنا قال : حول وصيدي
اعيون بتشاهد كما عزف الاوتار
قلت : الحيا ملقوف دايم بقيدي
السيف ارحم لي ولاطلق الانظار
واخص لاشفت البنيات عيدي
يمكن يقابلني من الناس ثرثار
اكره مجي السوق عادي وليدي
وشلون لو سني تعدا بالاعمار
قال المحيميدي بخاطر محيميدي
دقيقه اسرع لك من الطير لاطار
ثم>ن غدا ماعاد واصبح فقيدي
وحولت ادور جرته قبل تنهار
وتصادمت مابين ايدك وايدي
بدون قصد وساقني حكم الاقدار
واليوم في حكمك وامرك سديدي
قولي لنا لا باس والا لنا الكار
قالت: لي روح جعل عمرك مديدي
العذر مقبول وعسى دربك ازهار
راحت وانا في كل خطوه نشيدي
للموتر الي واقف>ن خلف الاسوار
وحصلت من هو بالمواقف عضيدي
كنه يتحراني على الجمر والنار
قال: العذر منك وربي شهيدي
ون قلت جوالك تولته الاخيار
طاح وانكسر ثم صلحه لي صعيدي
مصري من الفيوم والاصل نجار
اصبح يسميني يافندم ياسيدي
ولحظه يا باشه طول البال بنهار
حتشوف جوالك بحله قديدي
شاشه حتتغير مع ارقام وازرار
والحمدلله زان حظي وفيدي
من بعد ماقلنا اغترقنا بالابحار
والحين جبنا كل علم>ن مجيدي
مثل ما قالو سير الجار ع الجار
وحقك علينا يا بو ..........اكيدي
قبل الشحم تقلط ع البن وبهار
وسلامتكم