أنا في خاطري حاجه ولا ادري ويش ابي بالضبط
ولاني قـادر اكتمهـا ولانـي قـادر ابديهـا
متهاه داخل اعماقي بحـر حيـره بليـا شـط
خذاني موجها العاتـي عذابـي عـن موانيهـا
أبا اهرب من غموضي مير ماباليد حل وربـط
ضياعي كلٍ يشوفه حقيقه مـا اقـدر انفيهـا
أنا ما ادري مكاني فوق ولا تحـت ولا وسـط
أسوق الرجل واتبعهـا واقـول الله يسويهـا
أنا عايش بها لدنيـا بـلا قيـد وبليـا شـرط
مجـرد ظـل لايامـي تباريـنـي واباريـهـا
أنا ايامي سوا .. مافيه يوم اصعب ويوم ابسـط
ولا ادري كيف اميز بين حاضرهـا وماضيهـا
أنا مااشكي من احزاني ولاذقت السعاده قـط
ومع هذا أحس النـاس واضحكهـا وابكيهـا
أنا واحد من العالـم أنـا جملـه تحتهـا خـط
أحاسيسـي غريبـه مـن بدايتهـا لتاليـهـا
أنا في صفحة الدنيا حـروف ماعليهـا نقـط
حياتي مالقيـت اللـي يترجـم لـي معانيهـا
الشاعر مساعد الرشيدي
قصيدة اعجبتني ونقلتها للفطاحلة
وصح لسان الشاعر
ودمتم بخير
منقولة بواسطة الخنساء