[الطائر المهاجر]

اقبل الشهر والعالم رقـود = من يوقّظ قلوبٍ غافـلات
صاحبي لا متى ذنبك يزود= لا متى ما تقوم من السبات
تحسبنك تخلد في الوجـود= مااتعظت برحيل ولا وفات
وين جدك وجدي والشهود= وين خلٍ مضى دربه شتات
كلهم انتهوا وسط اللحـود= وانت ماشي لهم حتماً وآت
صحح الدرب تبدا بالصعود= منزلة عند رب الكائنـات
قبل يومٍ تشاقلك العضود = للقبر في لحودٍ مظلمات
كان فعلك حسن نعم الردود= كان غيره تعرف الناتجات
بعدها يبتدي حشر الحشود = والموازين تنصب عادلات
كان خسران ابشر بالوقـود= في جهنم حيــاة لا ممات
وكان كسبان الى دار الخلود= تمشي الدرب في عز وثبات
صاحبي لا متى هذا الجمود= اهجرابليس من قبل الفوات
وش رصيدك تفكّر في ركود= اعمل الخير ترقى الطايلات
لا يغرك مشكك أو جحود = ولا يغرك وجاهك في الحياة
فرصتك بالصيام وبالسجود= في خشوع وتهجد بالصلاة
تطلب العفو من رب الوجود= غافر الذنب ماعنّه غنات