أعفر متركا زرته من قبل أمس = تسوى جميع البيض لوكلهن عنس
له غرة لا نور بدر ولا شمس = سبحان خالق نورها الحمد لله
أعفر متركا كنه البدر طالع = خيله الخيل اهل الهوى بى تطالع
فيلا تقلل. ملبس هم طالع = بالمنع يدعينا على الرغم جيناه
أعفر متركا كن خديه جوهر= سيد العذارى في جماله تجوهر
الله ياهذا متى ما تجوهر = يا ما لقى من طالب الغى ما احياه
أعفر متركا والذهب فيه لولو = تسوا منازله الحسا واته الحسا والطلولو
لو بالمنى خير تمنيت = ولولا حراريسه تمخليت وياه
أعفر متركا كن واضح اعذابه = دق البرد هل الضحى من سحابه
الله لحد قلبى غدا واسفا به = من غير دل رحت انا اطلبهم اياه
أعفر متركا كن نور خده = كن البروق ابعرش مثناة خده
ويلا تبين لى لعج نور خده = عمس الطبيب وضاع رأيى ولا اقواه
أمس نطحتى هو وخمس معه حور = نور النهار إلى تبين لهن نور
قالن من احسنا جمال ومنظور = قلت الغضى الترف ما مثل حلياه
كل الطرب والزين حاشه وناله = والملح هو الزين قاده وناله
وننشدك عنا قلت لولا جماله = ميزتكم غير اخلف الرأى حسناه
قالن له لا ياشبه قايد العين = ما احناب من مدحك زعالا وجزعين
من عارضك ما للعرب له امطيعين = لو عشق روحه علمه كل من جاه
كنهم كما وصف البكار العسايف = صف عليهن اتلع الجيد نايف
قالن لى كانك على العمر خايف = منا وقلت العمر واقيه مولاه
ماكنه الى مهرة عند حاكم = مشيه تدنجر لاقناع ولا كم
من فوق ردفه كالجبال امتراكم = ساف على ساف إلى نشر غطاه
قالوا تبى شن تأكله قلت ما طيق = قالوا إلبين تشربه قلت أبي ريق
قالوا كفاك الله هذا بنا ضيف = كودك تبى هاك الغرض قلت أبا اياه
قالن والله ما لنا عن ذباحك = ولو تهوّلوا كل الملا من صياحك
إلا ومع هذا تروح ونتضاحك = ولا انت باول واحد جد ذبحناه
قمت اطلب العفه وصلاح العواتق = بلهت واثرا العمر غالى ونافق
لى قال صافى الخد ويش انت عاشق = فينا وقال الهقوة أنا رحمناه
قالت لهن عن الفتى لا تغطن = خلوه فيكم يفتكر ويتفطن
رمن عنهم بالمقانع وحطن = ذوايب كالعصم منا ومناه
قالت لهن من ما ثناياكم اسقوه = دور سقيته سبعة ادوار اشراه
قالن ياصافى الجبين الغنيمة = نشقيه من شانك بليا حريمة
قالن لى اقلط ما لنا عنك شيمه = واللى حذاك ولو بغا ما سقيناه
وقفت حاير بين هذى وهاذيك = قالن أخذ منا دام مولاك معطيك
شفك من ارياق الخراعيب نسقيك = قالن مجمول الحلا لا تعداه
دنق على ومن عسل مبسمه اخذت = خمس معا خمس تقا فن معا ست
لولاى في حد الخطر خذتهن مت = عينتني طوابى السقم لولاه
قالن يوم اقفيت واسعد عينك = جا بيننا درب المحبة وبينك
درب السعد منا تقضيت دينك = والحمد للى كلما راد سواه
أصبحت عقب الياس فينا بشاشة = والقلب فز وراف عقب الخشاشة
يا طال مانى مثل مغدى اقماشه = مالى جواب غير واوايل ويلاه
من يوم لاقانى خليلى معه خمس = ولى تخطى بينهم كنه الشمس
نشدتهم من ذا ؟ قالن لى الطمس = هذا عذاب اهل القلب المشقاه
هو قط جسمك ناحل من افراقه = هوجس رنين الحجل في عرض ساقه
قلت إيه يامن كان للقلب شاقه = حبك بلاجى الروح شيدت مبناه
جنى كما وصف البكار العسايف = ما فوقهن إلا اتلع الجيد نايف
قلن لى كنك على العمر خايف = منا وقلت العمر واقيه مولاه
شيدت قصر بين الاضلاع نايف = يا نافل بالزين شمر العكارف
وشبهت صافى خد نابى الردايف = بدر ظهر خمسة عشر يوم شفناه
اهلا هلا يالغضي كلما جيت = من لب قلبي يا ريش العين حييت
سبب صواب القلب لى قال مسيت = بالخير ياذا قلت أنا ميت برضاه