اليوم الثاني للحرب على الكباب اسف قصدي على الصبايا
مريت محل طرطشلي ( على فكره طرطشلي هو احسن واحد بعايلة الطراطيش كلها وعشان كيذا سموه على الجد المطرطش في ستين طرطشه ) وغمزلي يعني قزني بعينه وعطاني نظره وقمت افحط عشان اوصل معه لحل لمشكلتي فيما لاسمح الله وتزوجت ( شر لابد منه يعني فيك فيك ) ========> مغصني بطني تخيلت نفسي لو انا متزوج
..
وعشان مايتوهقون اللي يبي يتزوجون قريباً خاصه ان الاجازه الصيفيه على الابواب ( ياسذبي بعد الاجازه خلصت وانا اقول على الابواب
) المهم مابي اطول عليكم واقرق بالقرق اللي ماله داعي ====> دايم افشل نفسي وافضح لوحي اني راعي قرق
عشان سذاتا قلت ابقولكم هالافكار اللي طرت وانا متغطي البطنيه وماودي اقوم من النوم ( جو مغري للنوم تحت البطانيه ) ======> الحر بأنواعه الاربعه
يغريك بالجلوس دائماً تحت المكيف
وقلت يادويتو ياولد ام دويتو مالك الا تنصح ربعك والعزوبيه اللي مثلك ويبي يتزوجون وبصراحه مالقيت الا هالنصايح عشان اخلي البنت اللي بتزوجها ماتزعجني
ودني للسوق
ودني بيت اهلي
صديقتي عازمتني
بروح اسرح شعري عند مشغل معالي =========> قديم ( يمدحونه للي يبي يطلع
)
المهم جت على بالي الافكار الجوهانميه الاتيه والسالفه والمذكوره بعاليه :
اولاً = حاول ان تستخدم انواع التحطيم فيها ولاتعتبرها شي واذا شفتها كاشخه تبي تروح لاهلها لاتوديها قل يبي يجيني رجال على العشاء = اقعدي اقعدت لك
ثانياً = لاشفتها اتميلح وتستخف دمها قل ياشين خفة الدم وعطه ضحكه ها ها بس لاتزود عن ( هائين والفين ) ..
ثالثاً = لابغيت تطلع من البيت لاترجع الا بعد الساعه 1.00 حتي لو رجعت بدري حاول تتمشي ترى يمدحون الشوارع بعد الساعه 12 تصير فاضيه ورايقه ..
رابعاً = لاتميلحت وقالت جب عشاء من المطعم قل ماحب اكل الا اكل البيت واياني واياك تطيعها وتجيب من المطعم تراها تاخذ عليك وتصير حق توصيل طلبات رايح جاي على المطعم ( ماعاد الا هي بعد )
خامساً = حاول ان الابتسامه تقطعها بالبيت وكشر بوجهك ودايم خل القناه على روتانا واقعد ناظر وردد دايم عباره ( الله يخلف علينا ماعندنا الا كشابير )..
سادساً = حاول بقدر المستطاع ان تكثر من الاشتراك بالدوريات الاسبوعيه وكل يوم رح للاستراحه ( لاتخلي لهم نفس واي شي يبونه لاتجيبه لهم ) ====> الذل بانواعه العشره
..
هي نصايح اشويه ادري بس انت كمل الباقي وحاول انك تكون دايم مخالف لكل شي تقوله عشان ماتركبك وتصير خاتم بصبعها ..
انا علمتكم ولاتقولون ماعلمنا
وياليت كل واحد متزوج مركوب ويبي مني اني اعطيه نصايح عشان يغير اسلوبه مع زوجته انا ماعندي مانع وشرط خلال اسبوع بدل مايكون الطاره بيد زوجته راح تكون الطاره بيده ( مضمونه النصيحه ومصدقه من غرفة الشغاله )
سي يو ماتناتيشن ولكم تو مانقاء سطع ولد نو بدي ( للترجمه : ماحدش احسن من حد وهي خاربه خاربه
)