[ابومياس]

كنت دائما لا اثق بمعاملة المستشفيات الحكومية لعدة اسباب منها الاهمال

الواضح في العناية بالمرضى والمحسوبية التي قضت على حقوق المرضى

ولكن هذا اليوم غير احد الزملاء هذا المفهوم لدي فقال لقد تطورت المستشفيات

لدينا كثيراً فماعليك الا ان تذهب وتفتح ملف عائلي في المركز الصحي

في الحي الذي تسكنه 0

صراحة كلامه مشجع جداً فقلت على بركة الله ذهبت الى المركز الصحي

واملوا علي شروطهم وهي :

1 - عقد الايجار او صك البيت الاصل مع الصور ( من زود الثقه)

2- كرت العائلة الاصل مع الصور ( لنفس السبب الاول )

3- اصل فاتورة الكهرباء مع الصور( كني باشتري سيارة تقسيط)

احضرت لهم مطالبهم وتم فتح الملف الذهبي VIP

طلبت منهم تحويلي على الطبيب واخذت ورقة التحويل دخلت على الطبيب

وكان المريض ولدي فسالني الدكتور( صديق ايش فيه بيبي - قلت يادكتور وانا ماني

مقتنع انه دكتور- قلب الولد مافيه كويس) اخذ سماعة الفلس

وجلس يسمع شوي قال شوف صديق هنا مافيه علاج بس انت روح مستشفى ثاني

انا يسوي انت تحويل 0 قلت ولايهمك انا ابي تحويل للناس اللي يفهمون ونقدر

نقول عن الواحد منهم دكتور بالفم المليان وبكل ثقة اما انت الله يستر عليك

واللي جابك ماسوى فينا خير 0 المهم اخذت الورقة المهمة والتحويل

طبعا لايروح فكركم بعيد ماهو للتخصصي 0 وين وصلنا ايوه رحت لمستشفى

الندامة اقصد اليمامة سالت عن قسم الاطفال قالوا هناك دخلت عليهم قالوا حنا

الطواريء والعيادات هناك المهم ذهبت للعيادات الخارجية وابرزت لهم

ورقة العبور للصحة اقصد التحويل وسألني موظف الاستقبال وين ام الولد

قلت ايش ؟ قال وين ام الولد على شان تدخل وتاخذ موعد !!!!

قلت ماهي فيه مسافرة تعبانه 0 قال آسف لازم تجي الام00

قلت وين المدير ؟ دلني على المدير ودخلت عليه قال ما اقدر اخدمك

لان الشؤون الدينية منعت الاختلاط بين المراجعين0 يعني اذا انت جيت

ومعك ابنك مريض تكون من قطاعين الطرق او مغتصبي الاعراض

قدام الناس0 ثم قال هناك حل اقدر اخدمك فيه قلت ايش

قال سوف ارسل العامل الى قسم النساء وياخذ لك موعد 0

قلت له يعني العامل ماهوب رجال والشؤون اللادينية سامحين فيه

قلت طيب ليش يدخل قال حتى الاطباء رجال؟؟؟؟؟؟؟؟؟؟؟؟؟؟؟

تناقض غريب جدا 0 طيب الولد تعبان ولازم علاج الان 0 قال مالك الا الطواري

لانهم سامحين الاختلاط فيه عادي كانك في فرنسا رحت للطواري

ودخلت على الدكتور وبعد الكشف طبعا مافيه لا اشعة ولاتحليل

ولا ولا ولا ولا من اساليب الطب المتقدم شيئاً 0 قال لي السباك اقصد الطبيب

مافيه حاقة يا استاز قلت طيب يادكتور والالم الذي كل ساعة يحصل له في منطقة القلب

قال دا اسمه (((( برد بالضلوع)))) على فكره هذا مرض جديد اكتشفه علما ء مستشفى

اليمامة نسأل الله منهم السلامةاقصد من المرض0 وصرف دواء برد الضلوع

كالعادة حبه ثلاث مرات يومياً0 رجعت وانا اقول بدل المرمطة ذي وقلة الحياء

لو رحت لمركز طب خاص وخلصت موضوعك وتاكدت من كل شي

كان افضل لك 0 صحيح انهم جزارين ونهابين للاموال بس ارحم من برد الضلوع0

رحله شاقة من الروضة الى حي القدس الى اليمامة0

وسلموا لي على ابو دلامة0