[عبدالله الشويمان]

مقيولةٍ من قبل ما قلت شيٍ جديد=الكلمه اللي تزعِّل لا تحلابها
والمزح الى زاد حده للعداوه قويد=حكمة فهيمٍ حكيمٍ حاسب حسابها
حدك ترى الخط الاصفر لا تهقوى تزيد=ترى المزوح الثقيله عيب باصحابها
والثرثره ما تفيد الناس ولا لك تفيد=ومن طاب عقله تطيب علومه ان جابها
وخير الكلام القليل وفيه معنى سديد=واللي على غير معنى سكر ابوابها
جددت قول الحكيم اذكٍّر اللي يريد=حِكْمَه ما فيها خطأ مشدوده اطنابها