[الطائر المهاجر]

1-
عـفا الله عن خطا غدر الخناجر والضلوع iiابطال
بـسامح واتـركك تـحت الـظلام الحالك iiلحالك
دخـيلك وفـر دمـوعك ترى هدر الدموع iiاذلال
وتـرى مـا فيه احد يصبر مثل صبري iiبغربالك
انـا عـيب عـلي أنـقض كلامي والرجال افعال
واذا قـلت اقـطع احـبالك تـراني بقطع iiحبالك
عـشان اكسب هدب عينك تجرعت العذاب iiاشكال
ولـيتك تـرأف بـحالي عـلشان ارأف iiبـحالك
مـسوي فـي حـياتي شـي مـا يذكر ولا iiينقال
حـشا حـتى الـعدو وهو العدو ما يعمل iiاعمالك
تـمسيني عـلى الـهم وتـصبحني على الغربال
تـقـلطني فـنـاجيلك وتـقصر عـني iiدلالـك
تـحملت الـتعب لـجلك وانـا حـملي يهد iiجبال
رحـلت مـن الـعذاب وما وقفت الا على iiجالك
عـلامك كـل مـا جيك متواضع جيتني iiتختال؟
مـعاك الـيا مـتي بصبر وصبري معك iiيحلالك؟
مـثل مـا اقـبلت لـعيونك لـزوم تلد لي iiباقبال
ومـثل ما قد حشمتك حس واحشم قلبي اشوى iiلك
أنـا مـحدن بـجابرني أسـاير مـعك iiهالمنوال
تـرى لانـي تـبيع لـك ولا ني باصغر iiعيالك
أنا جيت اعشقك نبض ومشاعر ما اعشقك ii(تمثال)
أنـا جـيت اسـكنك واحياك وابقى فيك وابقى لك
أنـا جـيت بظما عاشق تعب يطرد سراب iiاللال
أنـا جـيت اسـتفز رضـاك من فرقاك والجا لك
أنـا مـا هـمت بك عاقل أنا كنت اعشقك iiبخبال
أنـا مـا كـنت احبك حي أنا كنت اعشقك iiهالك
تـخيل مـن كـثر مـا اخاف تلقى للزعل مدخال
أخـاف اخطي على طيفك وادوس برجلي iiظلالك
تـبعتك والـعرب تـتبع رعـود الـبارق iiالهمال
وانـا شـفت الـمطر يـتبعك في حلك iiوترحالك
كـأن الـلي خلق حسنك خلقني مع جسدك iiظلال
وصـرت اقـرب جسد يمشي معك باقفاك iiواقبالك
أبـي قـلبك يـحس انـه فـقد بـمحبته iiرجـال
مـلكته مـن هدب عين وخسرت رضاه iiباهمالك
صـحيح ان الـفراق اقـسى ولكن الوصال iiمحال
أنـا صعبن علي أرضي غرورك واضعف iiقبالك
بـعد مـا حـققت عـيني فـبعدك لـلرقاد iiامال
أعـود لـلسهر؟ -- يـا خوي فال الله ولا فالك!
بـبدل نـظرتك فـيني واجـي لك كل يوم iiبحال
بـكون اقـرب مـن ثـيابك عـليك ولا تهيا لك
بـالمك وانـثرك واجمعك وارجع وانثرك باهمال
بخونك وازعلك وارضيك وازعل منك وارضى لك
أبـرسم بـالثرى وجـهك وابدفن صورتك iiبرمال
أبـشكي لـلعرب فـرقاك واضـحك عند iiعذالك
أبـهديك الـوصال فـراق واهديك الفراق iiوصال
بـسوي مـثل مـا شـوفك تسوي وافعل iiافعالك
عـشان تـعرف من فينا الزعول ومن وسيع البال
أبـيـك تـذوق فـنجالي وانـا بـذوق iiفـنجالك
نـصيحة واحـتفظ فيها قصر معك الزمن أو iiطال
أبـي تـسمع كـلامي زيـن وتـحطه على iiبالك
اذا حـبك هـبال اطـفال لك عندي هبال iiاطفال
ولا وابـشر بـعد بـهبال حـب مـا هو iiبهبالك
واذا قـصدك تـهين اسـمي عشان تشمت iiالعذال
تـرى لا انـته ولا غيرك ولا عشرة من iiاشكالك


2-
اسـمعي والـكل مـنا لـه هـواه وله iiميوله
لاتـمسين بـكلامك شـعرة بـروس iiالقرايب
ان حـكيتي مـاوفيتي وان تـحديتي iiعـجوله
تـحسبين ان كـل فـعل تـفعله يمناك صايب
تـحسبين انـك خـذيتي بالحشاء iiصولةوجوله
تـحسبين انـي ذكـرتك مع نسانيس iiالهبايب
والله انـك لـو ذبـحتي خـافقي لالقاك حوله
عـاشقه تـشقىبفلب من طريق العشق iiهايب
كم رضيت اسكت عليك من القهر وانتي زعوله
خايف اضحك واستفزك واهجرك واعيش iiذايب
ادعـيت انـك خجوله وادري ان منتي iiخجوله
وادري انك تخجلين الشمس من فوق iiالسحايب
مـايـحببني بـقـلبك يـالهنوف الا iiفـضوله
ومـاينسيني غـرامك غـير تكرار iiالمصايب
عـاشقه جـيتي ورحـتي يـالحبيبه iiيالعذوله
مـابنيتي لـي طـموح ولاتـركتيها iiخـرايب
تـسـتبيحين الـقلوب وتـستحقين iiالـبطوله
واسـتـحق بـعدك تـايب وامـوت iiتـايب
يـاكثر مـاشال قـلبي شـيء اكبر من حموله
واعـفيتي عـن غـلاه ولابـخلك iiبـالوهايب
كـنه ارحـم مـن همال المزن للزهر iiبذبوله
وانتي اقسى من سموم القيض وكفوف iiاللهايب
وانـتي ادرى فـي غلاك بداخلي شاللي iiيزوله
وادخـلي دخله على الله واحفظي ذيك iiالسبايب
مـاخبرت الـلحظه الـلي حللت قربك iiتحوله
ولاهـقيت انـي بـشدد لـلجفا قلب iiوركايب
مـاهقيت انـك تـحسبين الزلل وانتي iiجفوله
ومـاهقيتك تـكرهيني كـثر حـبك iiللطلايب
كـن قـلبي فـي وصـالك وابل لحظة iiنزوله
وفـي فراقك مثل دمعه تنحدر من عين iiشايب
كـنت ابـي وقفه حبيبه تنهض القلب iiبخموله
طـافح بـالعشق وانـتي عايبه والحظ iiعايب
كـنت عـصن كـل كـف غير كفك iiمايطوله
كـنت درب ودمـعتين وقلب وجروح iiعطايب
كـنت ابيع العمر كله وارخصه عرضه iiوطوله
لـلعيون الـلي هـدبها ثـامن السبع iiالعجايب
بـس ابرضيلك غرورك واكسر القلب iiبذهوله
وقـتها مـاكنت افـكر صايب او كنت iiخايب
والـرجل لـو مـاعلى بـالشهامه iiوالـرجوله
صـدقيني صـعب يـقدر يملك قلوب iiالحبايب
صـدقيني مـايوالف خـافق الـبنت iiبسهوله
بـالهوى يـابنت حـواء غير طلاب النشايب
والـسهر والـعشق الاول والهوى واللي ينوله
شـيء اقسى من همومك وألعنه حاظر iiوغايب
والـهموم الـلي دعـتني من بعد سن iiالطفوله
كـلها من تحت رأس العشق ملعون iiالصلايب




3-
عـلى نـفس الطريق اللي يسمونه غرام iiأحباب
وطت رجلي على دربه ولا أدري وش نوى فيني
تـبعته لآخـر دروبه .. ألين أن القمر قد iiغاب
تـعب قـلبي ، ولا تـعبت مـسافاتٍ iiتـوديني
لـقيت الليلة الجردا : هدب ظل وسما iiواعشاب
بـعـد ذاك الـظلام الـلي يـتوهني عـناويني
صدفتك معجبه فيني وياليت .. الغرام : iiاعجاب
وتـراك انـتي الـهنوف اللي هقيتك تستحقيني
عـطيتك عشق من قلبي .. وسلمت لغلاك iiرقاب
وغـيرك يـحترق قـلبه ولا يـقدر iiيـحاكيني
أنـا قبلك صدفت عيون لكن ويش جاب iiلجاب؟
تـرى كـل الـعيون الـلي لـقتني مـا تكفيني
رمـاني حـظي الـعاثر عليك وجيت لك طلاب
ولا أنـتي اللي عشقتيني ولا انتي اللي iiعتقتيني
تـعالي واعـتقي ذاك الـخفوق المولع iiالمرتاب
مـهب لاجـلي ، عشان الله يجازيك iiويجازيني
تعدي في سما عشقي ولو عشقي خراب iiأصحاب
وصـوني بـالهوى نفسك قبل لا انتي iiتصونيني
وشـيليني عـلى مـتنك : خفوقٍ باريٍ iiمنصاب
ومـن فـوق الغرام العذب .. شيليني iiوحطيني
ولا مـنك هـقيتيني شـجاع ومـا يطيق يهاب
أنـا لـك بـالهوى والله مـثل ما انتي هقيتيني
أنـا مـا أمـشي ورا غيرك ولو أنه يطق iiالباب
وتـرى عيبٍ عليّ أطعن .. ولو كثرت iiسكاكيني
زهـودٍ مـا يـطيق الـدم لا دايـن ولا iiطلاب
شـجاع وعـارفٍ نـفسي وأظـن أنك iiتعرفيني
غيورٍ ما عرفت أضحك مع العذر ببّرود أعصاب
أبـيع عـيوني الـثنتين قـبل أنـك تـخونيني
إذا شـد الغرام .. اترك خفوقي : بين ناب iiوناب
لـفرقىً تـكسر ضلوعي .. ولا عشقٍ iiيوطّيني
أنـا رجلٍ ولي غيره .. وإذا شفت الهوى iiكذاب
تـثور بـقلبي الـفزعه ولا تـهدى شـياطيني
سـؤالك لـو يـزعزع بي كياني ما قبلت iiعتاب
اجـي لـك وأسـالك نفس السؤال اللي iiسألتيني
عـن الـعشق القديم أبواب .. تقفيها كثير أبواب
بـعد ذاك الـحبيب الـلي خدعني وانخدع iiفيني
أبـي عشق تحسب له كل نظرات العيون حساب
وابـي قـلبٍ علي قلبي ، وابى دينٍ على iiديني
وابـي نظرة عطا توفي ولا تخلف بدون iiأسباب
وابـي مـنك قـبل لا نتي تصديني .. iiتوديني
وابـي دربٍ عـلى العذال صعبٍ متعبٍ iiغلاب
وابـي نـفس الطريق الصعب يبعدهم iiويدنيني
تـرى لـو للقلوب عيون ولدموع العيون iiأهداب
حـشى مـا تـنزل الـدمعه لغيرك لو تركتيني
أنا أول من عرف قدرك وأنا توي صغير iiوشاب
وابـي مـنك مـا دام أنـك عـرفتيني تحبيني
مـا دام أني لقيتك في طريق أسمه غرام iiأحباب
دخـيل الله ، وبـعد الله دخـيلك .. لا iiتـخليني
مـا دام أن كل من يحيا على وجه التراب iiتراب
عـسى تـنساني الـدنيا مـادام أنـتي iiذكرتيني


4-
مـشكلة .. لا جـات حاجتك بيدين iiالبخيل
مـا يـفكك لـين تـدفع كـثر مـا يدفعه
ومـشكلة لا صرت مطعون بكفوف iiالدخيل
فـي ظـهرك أربع خناجر وبالصدر iiأربعه
ومـشكله لا ضـاق بـالوقت رجالٍ iiثقيل
يـطـلب أحـبابه وعـيا زمـانه يـنفعه
لـيت ربـي مـا يحاسب خليلٍ من iiخليل
دام مــا لـلحظ فـزعة ولـلوجه iiأقـنعه
دام مـاللعذل تـالي ومـا بـالحيل iiحـيل
الـغـلا سـمٍ نـذوقه .. ومُـرٍ iiنـجرعه
نحتري فيه اللقا .. والحصيل اهوَ iiالحصيل
مـثل حـلمٍ مـا تحقق .. وعييت أقطعه ii!
كـني الـلي حـط بـشفاه من جمر iiالمليل
لا قـدر يـرميه لـلناس ، وازرى يبلعه ii!
والـظروف الـلي حـدتني لنيران iiوفتيل
عـرضت دمـع الـمحاجر لـشيٍ iiيجزعه
والـمدامع بـالغلا.. لا تـحال ولا iiتـحيل
والـمشاكل كـل مـاجات .. جات iiمجمعه
أعـذلوني عن هوى النفس وعيوني iiتخيل
فـي حـبيبٍ مـا تـركته ولازلـت iiاتبعه
مـغرمٍ فـي حب مثله ولا أرضى له بديل
عـيني تـشوفه .. وقلبي يجوع : iiويشبعه
ذاك كـل مـازان بالي ، وطالعت iiالنخيل
مـا ذكـرت الاّ ثـباته بـوقت iiالزعزعه
مـا هـو إلا قـطعةٍ مـن حشا قلبٍ iiعليل
ومـاني الا قـطعةٍ مـنه مـخلوقٍ iiمـعه
لا جـميلٍ شـفت قـبله ، ولا بعده iiجميل
الـعذاري رهن رمشه ، وانا رهن iiأصبعه
والله انـه لـو طـلبني طـلوع iiالمستحيل
ل اطـلعه .. مـنّيه ، مناك .. يعني iiلطلعه
مـا عـلي مـن الـملامه ولا هرج الهبيل
مـا أشـجع الرجال لا ثار غيره iiماأشجعه
فـي عـيون اللي عشقني ولا جاني iiهزيل
الله الـلي حـط عـشقه بـقلبي ، وازرعه
لو سكت .. ينطق له الصم ، والدنيا iiتسيل
وان حكى .. لو يمشي المزن يوقف iiيسمعه
سـلسبيلٍ مـن شـفاته يـخالط iiسـلسبيل
مـعمعه بـسكات واحـلى سـكات بمعمعه
مـا هقيت ان أكثر الليل يمرح بالجدايل ii:
لـين شـفته شوف عيني (( بكفه يرفعه ii))
وإن حـييت ومـا بـقى لي معه كود iiليل
لـسهره بـأول غروبه .. واموت iiبمطلعه
والله ان العشق جمره : وطاحت بالشليل ii!
وان حصل ما طاعك الوقت بحبابك .. طعه
ومـنهو الـلي عـلم أعداي نكران iiالجميل
ومـنهو الـي خـان خـلي وحاول iiيقنعه
كـل عـاذل ردنـي عنك يالطرف iiالكحيل
يـاعسى الله يـقلعه .. يـا عسى الله iiيقلعه
يـامعرض قـلب الأحباب للدرب iiالطويل
الـسعه . لا بـارك الله بـالضيق . iiالسعه
والله أن الـوقت قـاسي وأنـا ماني iiذليل
وأشـهد ان الـرجل مـرات ظـنه يخدعه
وأنـتم تـعذلون خـفاق بـعيون الـعديل
مـا رحـمتم نـار جـرحه وغيرة iiمدمعه
والـسوالف لـيلها لـيل والـحايل يـحيل
والـمـشاكل مـشـكله مـشكله iiمـتجمعه
مـشكله لا خـانك الـوقت بالحمل iiالثقيل
لـو زرعت الزرع هوج العواصف iiيشلعه
ومـشكله لا صـار عـاذلك مايبرد iiغليل
لا تـرده طـيب كـلمه ولا حـدٍ iiيـمنعه
ومـشكله لا صرت مطعون بكفوف iiالدخيل
فـي ظـهرك أربع خناجر وبالصدر iiأربعه

بالصوت :


5-
عـافت الـشمس المدينة وأعلنت وقت iiالزوال
رغـبةٍ لـلنوم مـنها مـع عـيون iiالـناعسين
أبـعدت مـن يـوم شـافت بالسما ضيّ الهلال
كـنّـها كـانـت تـهزّا بـالهلال iiوتـستهين
كـفكفت صـبح التلاقي من ورا روس iiالجبال
واسـتخارتني وراحـت وابعدت عن كل iiعين
وانـتي أخـطيتي خـطاها وانعزلتي iiبالوصال
ولا رحـلتي مـن سـكات ولا وعدتيني iiتجين
عـشت عـمري بـالمحبة في سبيل iiالاحتمال
وانـتي تـعيشين عمرك ( تفرحين وتجرحين ii)
مـن غـرورك فـي جمالك ما عطيتيني iiمجال
وأدري إنـك تـفهميني لـو بـغيتي iiتـفهمين
كيف أشوف الشمس تشرق بالسما وانت ظلال ؟
ومـن يـعيش بـوسط غارٍ للذياب الجايعين ؟
كنت أحسب الكره زايل والجفا لو ( طال زال ii)
ولا بـديتي بـالغرام ولا بـقى فـيني حـنين
أشـهد إنـي مـا خـطيت ولا نويت iiالانعزال
ومـا خـدعتك فـي غرامي لين شفتك تخدعين
اصـدقي بـالوعد مـرة لـي ولـو فيها iiسؤال
مـن عـرفتك مـا أذكر إنك توعدين iiوتصدقين
كـنت أشوفك من عيونك تأمرين أقوى iiالرجال
والله إنـي قـبل أعـرفك مـا هقيتك تخضعين
كـنت أشـوفك تـبعدين وقلت من باب iiالدلال
وإن بـعدتي عـن عـيوني قلت باكر iiترجعين
كـنتي أكـثر فـي عيوني من عدد وبل iiالخيال
ويـن أنـا ما الد وجهي كنت أشوفك تضحكين
وإن بـغيت أصد عنك من ( يمين ومن شمال ii)
مـا قـوت عـيني تلفّت ( لا شمال ولا يمين ii)
عـاشقٍ والـعشق بـلوى وأشهد إن الحال iiحال
ولا تـركتي رحـمة الله ولا عـرفتي ترحمين
وأدري إنـك فـي غـرامي للأسف نلتي iiمنال
افـترقنا فـي دقـايق والـسبب لـعنة لـعين
حـبك أشبه في غرامي ( بالوصال الانفصال )
ويـلعب الـخفاق لـعبة كـبرياء iiالـخاضعين
بـالهوى مـاهي غـريبة نـكبة عيال iiالحلال
ولانـي أول من يصون ولا انتي آخر من iiيهين
الـصداقة فـي عـيون الـناس مـنفى iiللعدال
وكــان ردّت لـلـصراحة كـلبونا iiمـذنبين
الـمـحبة شـبه زالـت والـصداقة iiلاتـزال
بـس أبـبقى في عيونك ( حامد ) اللي iiتعرفين
عـلّميها يـا قـصيدة واضـربي فـيني iiمثال
عـرفـيها بـالـبداوة فـي طـباع iiالأولـين
عـلّميها كـيف نـصنع صـبرنا والاحـتمال
عـلّميها كـيف نـفلح بـالعمل ( دنيا ودين ii)
عـلّـميها فــي سـوالف حـلّنا iiوالارتـحال
عـلّـميها كـيف نـظهر جـورنا iiلـلجايرين
عـلّـميها يــا دقـايق ، عـلّميها يـا iiلـيال
عـلّميها يـا عـصور وعـلّميها يـا iiسـنين
إن عـشقنا مـا بـغينا غـير عـشقٍ بالحلال
وإن نـويـنا مـا لـفينا كـود نـاس iiطـيبين
كـامـلينٍ فــي عـطانا بـس لـله iiالـكمال
والـرجل فـينا غـرامه لـو يـعين ويستعين
ابــدويٍ مـا يـقوده لـلردّى شـد iiالـحبال
يـعسف الـيدّ الـشحيحة لـلعطا حـتى iiتلين
هـمنا فـعل الـرجولة رمـزنا لـبس iiالعقال
وانـتي الـمكياج كـله صار في وجهك iiسجين
عـندك الـمكياج مـوضة تـحسبين إنه iiجمال
صـار هـمك فـي حـياتك تكشخين iiوتطلعين
والا أنـا قـلبي بـقى لـي بالمحبة راس iiمال
والله الـلـي مـبـتليني بـالهوى والله iiيـعين
إن بـغيت أعـشق أبـالقى كثر حبّات iiالرمال
لـكن انـتي لـو بـغيتي صعب مثلي iiتعشقين
قـلت لـك كل الصراحة وأختم أطراف iiالجدال
وإن زعـلتي مـن كلامي ( تزعلين وتقعدين ii)




6-
أنـا ربـتني الـدنيا عـلى جـزل العطا والجود
ونـفسي لـلوفا والـطيب وفـعل الخير iiجزامه
وأعـارض مـنهج الهابط وأوافق للصعود صعود
وأسـيّر نـفسي بـعقلي مـدام الـنفس iiهـدامه
ولا تـثّر بـي الـبسمة ولا كـحل العيون iiالسود
ولا يـقوى عـلى قـلبي صغير الحسد iiوأجسامه
أردّ الـجود بـأمثاله وأقـابل بـالجحود iiجـحود
وتـرى لا خـير فـي رجلٍ يوطّي للردى iiهامه
وعـندي مـع أهـل العِليا مواثيق وثلاث iiعهود
أوفــي لـه مـطاليبه وأودّه وأرفـع iiأعـلامه
أعـايش مـركب الـدنيا عـلى متن القدر مولود
أبـعرف هـو صـحيح إنّ القدر بالناس دوّامه ii؟
ومـن ويـن الزمن مقبل وإلى وين الليال iiتقود؟
ومـن فـي هـالزمن يقدر يوجّه خطوة iiأقدامه؟
ومـن له بالزمن غاية ومن عنده هدف منشود ii؟
ومـن مـنّا قـدر يـعرف خـفايا مقبل أيامه ii؟
عـرفت إنّ الشقا باقي ، عرفت إنّ الحسد iiموجود
عـرفت إنّ الـقدر يـفرض علينا بأسوأ أحكامه
لـقينا الـعرب حـاسد وشـفنا بالعرب iiمحسود
وبـه نـاسٍ لـنا ضـامت ، وبه بالناس iiمنظامه
ويـنقص بـعضنا خـوّه ويـنقصنا وفاء iiوعود
مـدام الـحسد بـاقي وبـعض الـناس iiنـمامه
ولا تـرجى بـها الدنيا من ربوعك يجيك iiاسنود
ولا تـشره عـلى رجـلٍ عـيونه خانت iiأقدامه
وقـابل خـطوة بخطوة وجازي بالصدود iiصدود
تـناسى غـلطة الصاحب عليك بلحظة iiاخصامه
ولا تـخطي تـرى لصبر الحليم اليا سلاك iiحدود
تـروّى واعـرف بـضرب الحديد تفكك iiلحامه
تـجنب كـسرة الخاطر ولو حبل الزعل iiمشدود
تـراك بـكسرة الـخاطر حـكمت القلب بعدامه
ولا تـزعل عـلى رجلٍ بذل لك ولرضاك iiجهود
ولا تـامن مـن الـحاسد رضـاه ورفعة iiابهامه
نـبي نـصبر عـلى الـدنيا قلوبٍ بالحياة iiزهود
مـدام إنّ الـبخت عـيّت تـوّفق رمـعة iiسهامه
وأنـا مـا قـلتها راجي ولا أطلب بعدها iiمردود
ولـكـن الـفـتى ودّه يـحقق جـملة iiأحـلامه
وبـمشي لآخـر الـدنيا ولـو كـلّ الأنام اقعود
وعـن وجـه الـزمن بكشف حقيقه وأرفع iiالثامه
صـحيح إنـي صغير السن ولكن ( قدها وقدود )
وأنـا عـندي مـع الـدنيا مـواقف ترفع iiالهامه
طـموحي يـملي الـعالم ولابـه لـلطموح iiقيود
مدام إن الأمل طبعي ( عرين وصرت ضرغامه )
خـلقنا الله مـن تـرابه ولأحضان التراب iiنعود
تـحت رمـل الـثرى نبقى تغطي جسمنا iiخامه
سـلفنا مـا لـحقناهم تـحت قـاع التراب iiرقود
ولا يـبقي مـن الـميت سـوى ذكراه iiوعظامه
ولـو طـال العمر فاني وترى عمر الفتى iiمحدود
وكـلٍ يـطلب الـمولى يـبيحه يـحسن iiختامه
وأنـا بـلّغت بـلساني وربـي والأنـام iiشـهود
وصـحف الـبيّنة جـفّت وعـنها رفعت iiأقلامه