الصاحب اللي مايجي من صحبته غيـر العـذاب
نذر ٍ علي إن ماهجرني وإلا أنا اللـي بـأهجـره
من يفتح لفرقاي باب أفك لـه عشريـن بـاب
و إذا خويـي مايقـدر خوتـي مـا أقــدره
عو ّدت نفسي كل ماشـددت لليمّـه ركـاب
ما صد وجهي عن طموح إلا ليا جبـت خبـره
أن روّحوا فأنا بـري منهـم ليـوم الحسـاب
وإن جرحوا قولوا لهـم ماحركـوا فـيّ إشعـره
شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحـقـره
ماكنت أحاتيهم صغير ..عاد أحاتيهـم شبـاب
الصاحب اللي ما أذخره لليوم الأسود ما أذخـره
شفني جمعت أوراقهم بكتاب وأغلقـت الكتـاب
يا وقت لـم اللـي تلمـه وأنثـر اللـي تنثـره
اللي يخاف من الظما يترك لنـا طـرد السـراب
واللي ماهو بقد الظـلام ووحشتـه لا يسهـره
عقب أكتئاب البارحه ماعاد انا حمـل إكتئـاب
الطيب جرجرني وانـا مانـي بناقـص جرجـره
انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره
انا خسرت اللي غيابه غير عـن كـل الغيـاب
انـا غفـرت لعـالـمٍٍ ماتستـحـق المغـفـره
انا أكثر (أنسان) تعلم من كثر ما أخطأ واصـاب
انا أخر (لسـان) يتكلـم فـي زمـان الثرثـره
انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره
جفني وجرّحه السهر ، حيلي وهدّتـه الصعـاب
دمعي هدر ، ضحكي ندر ، عمري وضيعت أكثره
شيّبت بعقـول العرب..هيبـت روس ٍ ماتهـاب
جمهرت نـاس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب
ما كنت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظـهـره
في هالزمن مايملي عيـون الحسـود إلا التـراب
والا الحظيظ.. الطلقه اللـي ماتصيبـه تذعـره
ودك اليا من جاتك الغلطه من النـاس القـراب
الصاحب اللي ماكسبـت محبتـه مـا تخسـره
الدانه