[الطائر المهاجر]

وقال عن حاله ولوعة الفرقى

عيت عيوني من عناها تهملج = يوم العرب هجاع يا قل نومي
من العشا لين أول الفجر ينبج = وتغيب من مقدم ضواه النجومي
امست تعاليل الضماير توهج = واصبحت اشرف في طويل الرجومي
وأعول كما تعول من الهجن مخلج = جوديةٍ قامت تحن وتعومي
شافت ولدها يوم يذبح ويهدج = ومن دونها وقف غلامٍ بشومي
تقاطعوه الكل منهم ضرب فج = وخلوا لها جلده ونشر الدمومي
وقامت على تالي البلايل تدهج = ومن حر ما تونس تطيح وتقومي
على عشيرٍ دونه الجال حجج = وعيا مقارب نجعهم لا يدومي
دونه سراب الجو الاقصى تمروج = غير النبي النايفه والحزومي
لا جيت قلبان عليهن تهرج = مهو بذاك اليوم عندي بيومي
اللي اليا قابل جبينه تبلج = تبلج النشمي بوجه معزومي
عشرٍ وبشر بالحجج يتخرج = الا ولا عاشر هدوس الرخومي
ولا قط عمره في حياته تسمج = مثل الاصيل اللي جموحٍ عزومي
ان كان عقبي زين الاطباع ماسج = النفس عن عشرات غيره تشومي