[الطامي]

الله اكبر يوم جانا فلاح وجاب دار = مرحبا به بالفطاحل على خف ورجِل (المري)
قالو الن العود بن سرحي يدور للخبار = يسال اهل المنتدى عن منصور وعجل(المري )
يامنصور اعذر خويك ترى حوله حصار= من وريث ابليس ياخوك وارباب الدجل(فلاح)
كيف باعذره وهو دوم يعلنها مرار = من هوى الخفرات قلبه تقطع وانهبل(المري)
يارفيقي دندن ابليس فوق اهل المنار= مار صبرك مايفيدك ولو زدت الجدل(فلاح)
العوض فيهم رجال على ماكر حرار = ودلة صفر عذيه ونار من عبل(المري)
ورغوة بعد العشاء من ظهر حلو الفقار = والسوالف طيبه ماتجي لك من خبل(المري)
وينك البارح عن العود ماشفت الغبار=يوم هو شارد ويهدر تقول انه جمل(فلاح)
اتجه للخرج يحسبه رايح للمطار= يوم بنشر مالقى غير مفتاح العجل(فلاح)
خلها تكفر من اذنوبه حيث انها كثار = ياعساها ماتروعه ثم يعود هبل(المري)
انت قوم بنفسك الحين ووش لك بالعوار= اترك اللي مجنبك في طريقه لو وحل(المري)
اشهد ان المشكله بينها جنه ونار= فاحترس لاتتبع العود في فعل الغزل(فلاح)
قبل قلي تعرفه في دروبه والمسار= كان هذا صح فانت معه بمانهل(المري)
مانفعني بك وصاة ولا حسناة جار = تتبع دروب الخطر وانت يبرا لك سهل(المري)
ماصدفته غير مره وهو يلعب قمار= قلت خاف الله ياعود قال انته خبل(فلاح)
انتبه ياصاحبي خف من ذا الأنحدار = التفت جنبك وعاين ومشيك في مهل(المري)
خايفٍ تزلق بك الرجل من على جرف هار = وماترقَع لين تبطي ويبدا بك امل(المري)
كان جالس هو وواحد بديرة زنجبار = يبدعون بصوت وانا لمحته في عجل(فلاح)
انت وش في حنجرك ياكلك للذبح بقرار= من عميد القوم وانا انفذ بالشبل(المري)
توب قبل العود ياتي معه نار وشرار = تاكلك وانته بغفله وبعيونك حول(المري)
كيف يامنصور ماني بفاهم للغمار= لايكون اغواك وانت اتبعته للزلل(فلاح)
لاتحدنا انا وياك فالديره عمار = نعلن الحرب الشنيعه على اللي بالمحل(المري)
ماعلي بالعود لو جاب سحره من ظفار= عندي القرآن يبري من الروح اللعلل(فلاح