لعل أهم قصائده تلك التي كانت اشبه بدستور لولده ، تعرض فيها لكثير من الأمور وركز فيها على كيفية اختيار الزوجة . هذه القصيدة وجدت أن نقلها قد افقدها قوتها ، فبدت بعض الأبيات مكسورة ، فاجتهدت بتعديلها ، وخاصة ما يتعلق باختيار الزوجة ، طبقاً لما سمعته من كبار السن ، أو اجتهادا مني وبما رأيته منسجما مع اسلوبه ، وبالتالي فإن تعديلاتي تتلخص فيما يلي:
فالشطر:
1- يذن العصر وغديّكم فالرحى ، كان يـذن العصـر والعشـا فـوق iiالـرحـى ،
ومن المتعارف عليه أن الوجبة السابقة ، التي قد تتاخر لأذان العصر ، هي وجبة الغداء
وليس العشاء ، علاوة على أن الشطر بهذا الوضع مكسور ، فكان التصحيح.
2- طوّحـت صوتهـا جعلها الهندري ، كان طوحت صوتها ما ادري ما ادري ، ورغم ملائمة الكلمتين للمعنى ، إلا ان بقاءه هكذا احدث كسر بالشطر ، لا اعتقد أنه موجود في أصل القصيده.
2- ان نذفها ثلاثٍ تبعها ثلاث ، كان: انذفـهـا فـــي ثـــلاث تبـعـهـا ثـــلاث
فالشطر مكسور ، مما لزم التعديل ، في حدود الممكن .
هذه اهم التعديلات التي قمت بها ، وقد يكون هناك نسخة سليمة ، اكثر دقة من النسخة التي وصلتني ، فأرجو ممن لديه معرفة بذلك أن لا يتردد بانزالها ، هنا ، لتحصل الفائدة للجميع .
يــــوم دلــــوا زراريـعـنــا لـلـحـريـث = روحـت بــه سـويـره عــن العيـثـري
الـعـرب يظـهـرون النـخـل والـعـيـال=وانـت تشـري لهـا المسـك والعنـبـري
حــاط له امرتـيـن جـعـل مـاهـو زيــن=جـعـل عـقـب هــذا يهـبـد الـشــري
يـــوم جـــا مـــا عـطـانـي لبيـبـيـده=اتـدفـا بـهـا يــوم جـسـمـي عري
يــوم جتـنـا سـويـره مــن الـعــارض=كنـهـا ضـبـعـة حـــل فـيــها اسعري
ليـت مانـع الـى قـلـت لــه طاعـنـي=يــــوم تــــوه بمـطـلـوبـه مـشـبـهـري
قـبـل تـاخـذ بقلـبـه زهـــرة الربيع =فـي ذرى الغـار غــره بـهـا المنـظـري
قبـل مايشتيـك فــي حـبـال الـشـرك=ثــم يصـبـح عـلـى راســـه مكـنـعـري
يــوم قـامـت وشـــاف الـــذي تـلـهـا=مـــن وراهـــا نـبــا الـــردف ومـزبــري
مــا درى ان النثيـلـه وكـثـر الـتــراب=مـن وسيـع الدواخـل وهـو مــا دري
يـا صبـي استمـع مــن عـويـد قـضـا=الـدهــر مـدبــه لــيــن مــــا قــصــري
ما بقى منـه غيـر العصـب والعظـام=مثـل عــود عـلـى الــدرب ومقشري
احتـرس مـن سهـوم القـدر بالحذر=وانـت مالـك عـن الـلـي لــك مـقـدري
كــل مــن كــان قبـلـك بـيـوم ولـيـل=شـــاوره والـعـلـم عـنــه لا تقصري
حــط بـالـك لـمـا كــان اوصـيـك به=فـان هــذي وصــاة عـلـى خـاطـري
لا تضم الذي مـا تعـرف السـوا= تودع الزين شيـن ولا تستـري
يذّن العصـر وغديّكـم فالرحـى=القدر موصـخ واللبـن مخـوري
لا تضـم الـذي تشتـري للغـاء=دايـم هرجهـا بالكـلام الـزري
لا نشدها بعلهـا بهـرج لطيـف=طوّحت صوتها جعلهـا الهنـدري
إن نذفهـا ثـلاثٍ تبعهـا ثـلاث=ماكلٍ فـي طعامـه هنـي مـري
لا تضـم الـذي يطـوّح طيّـهـا=الضحى وانت في المقبره تقبـري
لا تضم الـذي قـد حكـى بامهـا=تحسب العيب باري وهو مابـري
لا تضم الذي مـا تخلـي العبـاة=دايـم كنهـا تلعـب العيـفـري
من جهلها تخلي ولدهـا يصيـح=ما تسنع لهـا مـورد ومصـدري
يوم تظهر من البيت وشّـي تبـي=أو تبي عند غيرك طعـام طـري
تتركه ياالخبل يـا نكيـث الحبـل=لا تجـزّع الـى قيـل يالمثفـري
طلـق العاهـر وخلّهـا تنطـلـق=من حبالك عسى بطنهـا للفـري
لا تضـم الـذي عينهـا واذنهـا=بالمزاغير والصايـر المسفـري
ودها كل مـن مـر مـع سوقهـا=من شريف وطريف يقول اظهري
لا تضم الذي مـا تربـي الحـلالا=غبر طبعهـا والزمـان اغبـري
لا تضم الذي مـا تمـلّ الرديـف=تسري الليل للـي لهـا يحتـري
لا تضم الذي ما تخلـي الرفيـق=غايب رجلهـا أو بعـد حاضـري
الوعد مثل ما قـال كحـي واكـح=في قيام العشر وان ظهرت اظهري
واقعدي عندنا لين مـا يظهـرون=واظهري والمطوع بهـم يوتـري
يا عسى جنسها دايم مـا يعيـش=عند الاجواد وان عاش ما يكثري
لا تضـم الـذي ينخـزن دونهـا=دوم نجارهـا بامرهـا ينـجـري
لو تقول ارفقي يا مـره بالحـلال=دبري مرزقك هالسنة واصبـري
بان منها من العيب مـا تكرهـه=وباشرت في حلالك لـه تبـذّري
لو يخطره شريف كان ما سرّهـا=ودها انـه يخطّـر ولا يخطـري
وان دخل باشرته بخبيـث الكـلام=وان ظهر وندبت له يقول ابشري
سلـط الله عليهـا قبـل ترزمـي=والضعيّف بمرضاتهـا مصخّـري
مصخّر مار ما وفّق ابـن الحـلال=غبشته في اصغرا واللزا يخرخري
من جهلهـا ومسـاوي تدابيرهـا=ما عليها من اللبس مـا يستـري
لا تضم الذي ما يحجبهـا حجـاب=دون حجّانهـا كنـهـا تنـظـري
يا مطول حجيّه عن اللـي تويـق=لو تحطه على الخمس ما يستري
هي على طبعها عاسـيٍ عودهـا=ما يعدّل سوى انه يبـي يكسـري
لا تضـم الـذي طلقـت مرتيـن=يوم يطري لهـا طـاري تنكـري
كل يوم لها عنـد اهلهـا نسيـب=واحـد داخـل وآخـر يظهـري
شـارب مخهـم وآكـل تخـهـم=غـادي عندهـم كنـه العسكـري
لا تضم الذي مالهـا مـن تهـاب=خبلـة هبلـة مـا لهـا حاكـري
يوم تصبح تـدوّج بوسـط البلـد=كـل دار تبايـع بهـا وتشتـري
كل من كان يرضى بـدوج المـره=ودك انـه بنعلينهـا يصـطـري
المره كنها الشـاة بيـن البيـوت=يطمع الكلب فيها ولو هـو جـري
لا تضم الـذي ترضـع بروحهـا=دايـم خالـي شقهـا الايسـري
لا تضم الـذي عمرهـا منتهـي=كان ترجي عيـال بهـم تذكـري
هي سفينتك لكن غـدا الله عليـك=مـادري بانهـا ذبّـت الانجـري
لا تضم الذي تلتفت في الطريـق=حط بالك لها في قفـى العايـري
وقل لها وش مريبك على الالتفات=ياضراب الخنا بالثـلاث اظهـري
يوم قـل الحيـا عندهـا واتسـع=وجهها حلّ في عينهـا الانكـري
ما درت بالتلفت سهـومٍ تصيـب=بالضماير بها الكسر مـا يجبـري
وش تـدوّر وراهـا وذا طبعهـا=كن ما غيرها في البلـد يذكـري
لو ابوها يهـد الجمـوع بعصـاه=او بشلفا على الكبد تفري فـري
او اخوها يخلّـي قرينـه يخـور=مثل ما خار عجل مـع السامـري
لا تضـم الـذي بـاردٍ جمّـهـا=كل ش يابس وسقفهـا يمطـري
ما تذوق اللذاذه وعمـرك يـروح=في قصا لو حلالك من الاحمـري
لا تضم الذي رزنة فـي المكـان=صخرة ما تقلـل بهيـب ابشـري
ما تكلم ولا عندهـا لـك جـواب=بسكوتها يزيد المـرض يكبـري
لا حديث يسلـي ولا مـن فـراق= قلب لا يحزن وعيـن لا تنظـري
ذا هو اللي يسرها الـى فارقـت=لين تاخذ سواها ولـو تخسـري
لا تضم الذي قـد قضـب خلفهـا=من ضنا غيرك لثديهـا يمجـري
ما درى انه عليها سواة الرديـف=قاضب في يـده تكّـة الميـزري
ومحشـوم عـلـى كــل حــال يصـيـر = مخصـب وقـتـك أو مقـصـف مدهري