[الطائر المهاجر]

الاعـمــار مـــا يـرجــى لـهــن رجــــوع = غــــــدت بـــخـــلان لـــنــــا وربـــــــوع
ربــوع لـنـا قــد فــرق البـيـن شملـهـم = وشــــوف الــديــار الـخـاربــات يـــــروع
امـرقــت انـــا الـدنـيــا بــيــوم ولـيـلــة = واعـــد اســبــوع مــــن وراه اســبــوع
ســود الليـالـي مــا دري عــن بطونـهـا = يـمـسـن حـوامــل ويصـبـحـن وضـــوع
انا ادري بعلم اليـوم وامـس بمـا جـرى = وبــاكـــر بـغــيــب والامـــــور وقـــــوع
والايـــام لـــو تـخـلـف بـيــوم عـذرتـهــا = لــهــا بالـلـيـالـي الـمـاضـيـات صــنــوع
استجرت بربـي عـن دواهـي شرورهـا = عـلــوم الـــردى يـاتــى بــهــن ربــــوع
ومن رافق الاصحاب التهامـى فلـو نجـا = مــن الـربـع مـشـوا فــي رداه طـبــوع
وانـا احـب يـوم مـا اجــي فـيـه مـذنـب = ولا نـــيـــب مـــفــــراح ولا بـــجــــزوع
وانا احـب جلوسـي عنـد حـي يفيدنـي = ولا مـيــت مــــا فــــي لــقــاه نــفــوع
وانـا احـب قعـودي عنـد قــوم تعـزنـي = لــو كــان فيـهـم مــن صـلـيـب طـبــوع
وانـا احـب نومـي جــوف غـيـن دوالــح = الـــى ايـتـفـى ظـيــم بـهــن وجــــزوع
ولا ديــــن ديــــان ولا ظــلــم حــاكـــم = يــجــور ولا يــعـــذل عـلــيــه خـــــدوع
واحـــب صـيــاح الـقـيــظ ورد وصــــادر = وصــيـــاح غـــــارات الـربــيــع يـــــروع
عـلــى شـايــب غـــدا يـــا وا سـفـابــه = قــفــوا مــــن ورا الـحــويــش ربـــــوع
فيا مانع اشرف لـي علـى راس مرقـب = مـن قـبـل مــا شـمـس النـهـار طـلـوع
لـعـل عـلـى الطـيـري شـلايـا ضـغـايـن = تقـافـن عـلـى وكــري الخلـيـف ربـــوع
ربـــوع لـنــا يــــوم الـلـيـالـي مـريـفــه = والــيــوم مــــا عــــادوا لــنــا بــربـــوع
انــا كــان بـايـام الـرخــا لـــي مـعــارف = غــدوا مـثـل بـــراق الـســراب لـمــوع
الا يـا نـخـلات لــي عـلـى جــال عيـلـم = حــدايــق غــلــب شـوفــهــن يـــــروع
اخــذت بـهــن عـامـيـن حـيــل زوافـــر = مــن القـيـظ مــا خـلــن فـــي ضـلــوع
الا يــا نـخـلات الـصــدر جـضــن بالـبـكـا = وهـلــن يـــا هــــدب الـجـريــد دمــــوع
حلـفـت صـافـي الـمــا فـــلا تشـربـنـه = مــنــي ولا يـسـقــى لــكــن جـــــذوع
غـلاكـن عـنـدي قـبــل هـــذا وانـكــرن = علـيـكـن اللـيـالـي والــزمــان يــضــوع
الى ادنني من غيـظ الاصحـاب عفتهـن = لـو هــن عـلـى شــط الـفـرات شــروع
وانا في السما وعدي ورزقي ومطلبي = مـاهـوب فــي صـبـخـا مـراغــه جـــوع
تـقـلـلـت عــــن دار وربـــــع ومــنـــزل = وقبـلـتـهـا حــثـــو الــتـــراب كــســـوع
فـلا يـا عايـر القصـب الجنـوبـي ليتـنـي = اشـوفـك مــن حـــد الـســراب لـمــوع
نـخـيـت قـــرم مـــن عـيـالـي مـجــرب = الــى نــزر مــا ذاق الـطـعـام اسـبــوع
فترى يا ولدي من ثمن الخوف ما سطـا = والانـجـاس مــا خـلـوا سبيـلـك طـــوع
تـبـغــون جــــذرات الـمـنـايـا تــزورهـــا = الاجــــال مــــا يــقــدر لــهــن دفــــوع
فــلا يـلـزم الـقــالات مـــن لا يشيـلـهـا = ولا تـحـمــل ارقـــــاب الـحــريــم دروع
وتــرى المقـابـر نصفـهـا مــن حريمـهـا = لــو كــان فــي وســط البـيـوت مـنــوع
لا شــك ب الهـنـدي قـضـا كــل عـاجـز = وشـــراب مـــن در الخـصـيـم كــمــوع
وتـزبــنــت لاولاد الـعـزاعـيــز ديــــــره = لـهـم مـــن ذرا عـالــي تـمـيـم فـــروع
محـجـيـن مـطــرود مهـيـنـيـن طــــارد = مـحـامـيـل قــالـــة الــرجـــال نــفـــوع
وامــــــــا بـني زيد فيا وي قــبــيــلــة = لــولا ان فيـهـم مـــن صـلـيـب طـبــوع
ولــقـيـت ب .... فــــداديــــم قــــريــــه = مــرمـــة قــشـــرا كـنــاســة قــــــوع
الــى شـافـوا الخـطـار عنـهـم تــلاوذوا = تـــــلاوذ وبـــــران لــجـــت بـــصـــدوع
واما اهـل الحريّق قـبـابـيــن صـحـصــح = الــى قـضـب هــذا الـــى ذاك نـســوع
يــا نــاق مــن جبـانـة الـوشــم ثـــوري = بــــرد الـخـبــر والـعـالـمـيـن هــجـــوع
تـذب الفيافـي عـن مرامـي خشومـهـا = والـصـبــح ظــــلات الـطـلــوح تـــــروع
يـروح يــبــغــي نــجــعــة لابـن ........ = والاريـــاف مــــا فـيـنــا لــهــن نــجــوع
مــا ذار خـيـل الـجـار فــي كــل مـنـزل = وخـيــل الــعــدا يــامــا لــهــن يــــروع
يــا ليتـنـي بـثـراك حــزو عـلـى الـرخـا = ولا الـبـصــره الـفـيـحـا وراى طــمـــوع
وحـط الجـدي بيـن الضلفتـيـن وخلـفـك = سـهـيـل اليـمـانـي مـــن وراك لـمــوع
فيـا طارشـي قـل لابـن ماضـي محمـد = تــرى الـشـور عقـبـه قــد بــدا بـرجـوع
قـد تهـت انـا وايـاه فـي مــاض مـضـى = ضـربـنــا تــــلاع مــــا لــهـــن فـــــروع
تــروح تصـافـي بـومــة فـــي خـرابــه = جـنـح الـدجــى مـــا تهـتـنـي بـهـجـوع
يبـي منـك حــراس الــى بــات خـايـف = شـــروا ضـريــع مــــا تــســد الــجــوع
وراك مـــا صـافـيـت راعـــي جــلاجــل = مـــا فـــي مصـافـاتـه عـلـيـك هـــزوع
يـسـراه مــا تـبـذر مـــن الـشــر حـبــه = ويــمــنــاه تـــبـــذر بـالـجـمــيــل زروع
ان زالـت ام عنـيـق يبـقـى ابــن عـامـر = حـريـبـهــم مـــــا يـهـتـنــي بـهــجــوع
وتـرى جـلاجـل هــو بــاب سـديـر كـلـه = والــغــيــر بــيــبــان بــلــيــا صــــــروع
عينـت حصـان الـصـف خـلـي مجـنـدل = وهــو شـاكـي بـاحـدى يـديــه قـطــوع
والـى نهـق النهـاق مـن عـقـب غـفـوه = تلـقـى فــي بـعــض الـخــراب ضـلــوع
فديرتـك فيـه يـا ابــن مـاضـي مطـامـع = وبــلاده مــا ظـنـي يــدار بـــه طـمــوع
فانشـد بــاب الـحـزم مـادمـت صـاحـب = وتفضـي علـى سـيـب الـجـراد يـسـوع
وصـلـوا عـلــى خـيــر الـبـرايـا مـحـمـد = عــدد مــا اضـــا بـــرق وهـــل دمـــوع


.
وهذه نسخة اخرى من القصيدة اخذت من ديوانه المطبوع

الاعمار مـا يرجـى لهـن رجـوع = غـدت بـخـلان لـنـا وربــوع
ربوع لنا قد فـرق البيـن شملهـم = وشـوف الديـار الخاربـات يـروع
مرقـت انـا من الدنيـا بيـوم وليلـة = واعـد اسبـوع مـن وراه اسبـوع
وسود الليالي مـا دري عـن بطونهـا = يمسن حوامـل ويصبحـن وضـوع
انا ادري بعلم اليوم وامس بما جرى = وباكـر بغيـب والامـور وقــوع
والايام لـو تخلـف بيـوم عذرتهـا = لهـن بالليالـي الماضيـات صنـوع
اجارني ربي خيارها عن شرورهـا = علوم الـردى يأتـى بهـن ربـوع
ومن رافق الاصحاب التهامى فلونجا = من الربع مشّـوا فـي رداه طبـوع
وانا احب يوم ما أجي فيـه مذنـب = ولا نيـب مـفـراح ولا بجزوع
وانا احب جلوسي عند حـي يفيدنـي = ولا ميـت مـا فـي لقـاه نـفـوع
وانا احب قعودي عند قـوم تعزنـي = لوكان فيهـم مـن صلايـب جـوع
وانا احب نومي جوف غين دوالـح = إلـى ما ايتفـا ظلم بهـن وهـزوع
ولا ديـن ديـّان ولا ظلـم حـاكـم = يجـور ولا يعـدل علـيـه خــدوع
واحب صيـاح القيـظ ورد وصـادر = وصيـاح غـارات الربيـع تـروع
فيا مانع اشرف لي على راس مرقـب = من قبل شمـس بالنهـارطلـوع
لعل علـى الطيـري شلايـا ضعايـن = تقافن على وكرالخليـف ربـوع
ربـوع لنـا يـوم الليالـي مريفـة = واليـوم مـا عـادوا لنـا بربـوع
فان كـان بايـام الرخـا لـي معـارف = غدوا مثل بـرّاق السـراب لمـوع
الا يا نخلات لي علـى جـال عيلـم = حدايـق غلـب شوفهـن يــروع
اخذت بهـن عاميـن حيـالِ زوافـر= من الفيض مـا خلّن فـي ضلـوع
فلا يا نخلات الصـدر جضّـن بالبكـا = وهلّـن يـا حدب الجريـد دمــوع
حلفت صافـي المـا فـلا يشربنـه = منـي ولا يسقـى لـهن جــذوع
غرايس يدنني من ها لمذلّة = فلا أسالت الجوزا لهن فروع
غلاكن عنـدي قبـل هـذا وانكـرن = عليكـن الليالـي والزمـان يضـوع
الى قرّبن من غيظ الاصحاب عفتهن = لوهن على شـط الفـرات شـروع
وانا في السما وعدي ورزقي ومطلبي = مهوب فـي صبخـا مراغـة جـوع
تقللـت عـن دار وراي ومـنـزل = وقبّلتهـا حثـوالـتـراب كـسـوع
فلا يا عاير القصب الجنوبي ليتنـي = اشوفك مـن حـدر السـراب لمـوع
نخيت قـرم مـن عيالـي مسلّط = إلى نزر مـا ذاق الطعـام اسبـوع
فترى يا ولدي من ثمّن الخوف ما سطا = والانجاس ما خلّوا سبيلـك طـوع
وان كان تبتعد المنايـا تـزورني = الاجـال مـا نقـدر لهـن دفــوع
فلا يلـزم القـالات مـن لا يشيلهـا = ولا تحمـل ارقـاب الحريـم دروع
وترى المقابر نصفها مـن حريمهـا = لو كان في وسـط البيـوت منـوع
ولا شك فالهندي قضا كـل حاجة = وشرابه مـن دم الخصيـم كمـوع
زبنـت لاولاد العزاعيـز ديــرة = لهم مـن ذراعالـي تميـم فـروع
محجيـن مطـرود مهينيـن طـارد = محاميـل قالات الـرجـال نـفـوع
وامـا بنـي زيـد فويّا قبيلـة = لولا ان فيهم مـن صليـب طبـوع
ولقيـت بالمحمل فـداديـم قـريـة = مرمّـة قـشـرٍ قصالة قــوع
الى شافوا الخطار عنهـم تـلاوذوا = تـلاوذ وبـران لجـت بـصـدوع
واما اهل وشيقر قبابيـن صحصـح = الى قضـبت هـذا فذاك نسـوع
فلا ياولدي ماناب الذي يسفك الدما = ويقصي الشيخ يسكب عبرة ودموع
فيا ناق مـن جبّانـة الوشـم ثـوري = بـرد الخبـر والعالميـن هـجـوع
تذب الفيافي عن مرامـي خشومهـا = والصبـح زمّات الطلـوح تـروع
يروح يبغـي نجعـة لابـن معمر = والاريـاف مـا فينـا لهـن نجـوع
ما ذار خيل الجـار فـي كـل منـزل = وخيـل العـدا إلى أومالهـن يـروع
يا ليتني بشراك حـزوا علـى الرخـا = ولا البصـرة الفيحـا وراي طـمـوع
وحط الجدي بين الضلفتيـن وخلفـك = سهيل اليمانـي مـن وراك لمـوع
فيا طارشي قل لابـن ماضـي محمـد = ترى الشور عقبه قد بـدا برجـوع
قد تهت انا واياه فـي مـاضٍ مضـى = ضربنـا تـلاع مـا لهـن فـروع
تروح تصافـي بومـة فـي خرابـة = جنح الدجـى مـا تهتنـي بهجـوع
يبي منك حرّاس الـى بـات خايـف = شـروا ضريـع مـا تسـد الجـوع
وراك ما صافيـت راعـي جلاجـل = مـا فـي مصافاتـه عليـك هـزوع
يسراه مـا تبـذر مـن الشـر حبـه = ويمنـاه تـبـذر بالجمـيـل زروع
ان زلّت ام عنيق باق ابن عامـر = وانا فيّ شوي من نباه قنوع
ترى ان باب سدير راعي جلاجل = وغيره بيبان بغير صروع
فعزا لمن حريبه أولاد عامر = حريبهم ما يهتني بهجوع
عينت حصان الصف خلّـي مجنـدل = وهو شاكـي باحـدى يديـه قطـوع
فالى صهل الصهّال من عقـب عفـوه = تلقاه فـي بعـض الحزاب ضلـوع
ديرتك فيها يا ابن ماضـي مطامـع = وديرته ما ظنتي يدري فيها طمـوع
فسد باب الحزم مادمـت صاحـب = وتفضي على باب الجـراد يسـوع
وصلوا على خيـر البرايـا محمـد = عدد ما أضـا بـرق وهـل دمـوع