الله خلق آدم وحواء بلا ضره=والله بخيص بخلقه اول وتالي(الطائر
والشرع ماقال عدد من اجل نعره=حدد شروطه وضوح مابها اقوالي(الطائر
من له نصيب يجي له لو هو بصخره = واسباب توضيحها في كل الاحوالي(الطامي
حكمتك ربي ولو شايب بني مره= عاصي ولا يقتنع بادبار واقبالي(الطائر
من حي عاش لو مات ابوه من فقره= هات السبب والعمل والرزق عماَلي(الطامي
ينسف كلامك قديم قال من شره=وياخذ اللي يقولوا اهل الاموالي(الطائر
تحم على قول ربي ايه النكره = تتعرض على مافرض ربي وهو الوالي(الطامي
اسغفر الله ربك لاتجي السكره = تقرقر وانت ظالم كيف تحتالي(الطامي
ابنشدك وانت عاقل تفهم الفكره= لوكنت حرمه بترضى ضرة تالي(الطائر
ربي فرض التعدد حيث ماغرَه = هو ابخص بخلقه منك انث ورجالي(الطامي
لكل شي معه كتلوج وياكثره = وكتلوجنا يابشر قرأن لازالي(الطامي
للي يتيمه او الرملا لها ستره=مهوب لاشباع رغباتٍ على الخالي(الطائر
قرأن نقراه ونؤمن به لامن نقره = وسنة نبينا نطبقها ولا نمالي(الطامي
قد قلت لك ماكتب باللوح الى النفره = ياتيك لو انك في صم الصفا بالي(الطامي
تفسر النص بكيفك دام بك عره=اقراه زين وتعرف صدق اقوالي(الطائر
خلك موحد وخل صيامك وفطره = معها الى اعذرت من ربنا العالي(الطامي
لاتجادل ويأخذك زهوك لما تكره = ذنوب تاتيك بهموم وغربالي(الطامي
ان كان تؤمن بربك صحح الفكره=واترك كلام البشر بتفسير للوالي(الطائر
ان كنت صامل بقولك اصدح بذا الزفره = واعلن امام الملا ويجيلك الصالي(الطامي
استغفر الله ياغادي الى بكره = مجادلك مايعدل راينا الحالي(الطامي
اكرر القول آدم ما خذا ضره=واليتم والا الارامل شرط لا ابدالي(الطائر
مع قضاة البلاط البعض مستره=لاشباع بعض الغرايز لو بتحيالي (الطائر
بسبب فتاويك ياكاهن بني مره=انحاشوا الناس مايبغون الاشكالي(الطائر
انا اقوالي لمثلهم كما الدره = تطبيق سنه وحفظ النفس يالغالي (الطامي)
النص واضح ولو حاولت تفتره= مثل مشايخ بلاط يبغوا المالي (الطائر)
خلك موحد وخل صيامك وفطره = معها الى اعذرت من ربنا العالي (الطامي)
اللي موحد يوحد في جميع امره= ربه وحرمته بليا غش وختالي (الطائر)
ولا يشجع تيوس تشكي واهج العره=تدور معيز تبي فتوى ولا تبالي (الطائر
ياعود بسألك لاجت عندك معره = تبغي وودك وهي جنبك ولا تسالي (الطامي)
هي عذرها عندها وماهي بمحتره = والا انت تاتيك نوبات وتولوالي (الطامي)
اسبوع والا ازود خربانة الصره = ولا تحب الحرام ولا يتهيالي (الطامي)
كانت يتيمه ورملا تبغي الستره= وتقدر على العدل في افعال لا اقوالي (الطائر)
تراك ماجور اقبل اقبل الدره= وجهز سلاحك ولو هو خامل بالي (الطائر
تزوغ عينك يمن ومرة يسره = حرام دربك وهي بعذرها اشكالي (الطامي)
ماتزوغ عين اللذي مسلم ولو مره= يخاف ربه ويخشى يوم الاهوالي (الطائر)
تزوغ عين اللذي ابليس يفتره= فاطرده عنك وذكر الله بالبالي (الطائر
وغض النظر لو تمرك وحدة حره=تراك توجر على الافعال يالغالي(الطائر
نبينا عدد الزيجات ويقرَه = وانت تتعرض والعذر ماهو يتهيالي (الطامي)
لاصرت خايف وحذافك ماهو يسره = تصير مثل الغضي زين التعدالي (الطامي)
مره مريضه ومره تنجب ومره = تعبانة من شغل بالبيت وعيالي (الطامي)
والرجل شهوته اللي دايم تفره = لذا الولي حلل الاربع بالقوالي (الطامي)
الخوف يجعلك يالمسكين تِبره = وتهريك ثم تطردك وتصير لك احوالي (الطامي)
الادمي غير تيس يعاود الكره= يطمر على مالقى من عنز بظلالي (الطائر)
هذا كلام الضعيف الي ماهي تغره = طرق التعدد لاكن الخوف سلالي(الطامي)
ويقدم اعذار ويتحجج على ال مره = سلطانها فوق راسه له تميالي
وش يفرقه عن تويس يتبع الجره=همه بشهوته دامه بالعقل خالي (الطائر)
مره تجيه العصى ومره تجي الصره = ومره مكان الضعيف بالبرد والصالي (الطامي)