[الطائر المهاجر]

وقد تدخل فيها هلال السيالي لمساندة لجارالله الصواط

=الـــــــــــــــــــصــــــــــــــــــــواط
=.......
الليالـي لهـا غـدرات والضلـع لان=ياصقور علـى ريـح الغنـام تحـوم
=الـــــــــمـــــــــســــــــــعــــــــــودي
يالعتيبي تراك امسيت فـي دار امـان=والبقـا والتحيـه واسمعـك بالعلـوم
ان فقدنـا فـلان انتـم فقـدت فـلان=ما البس هدومكـم يالابسيـن الهـدوم
=الـــــــــــــــــــصــــــــــــــــــــواط
يالهذيلـي تكلـم يارفـيـع المـكـان=شمس ابو زيد من وقته علاها غيـوم
البعيـر اليمانـي مالقـالـه مـكـان=طاح ياهل العقل بالحمـل عيـا يقـوم
=الـــــــــمـــــــــســــــــــعــــــــــدوي
مامشينا هذاك الدرب من غيـر شـان=انت غلقت حجك والعرب فـي القـدوم
حضـر المبخـره للمستـك واللبـان=لين عينـك تنظـر للقمـر والنجـوم
=الـــــــــــــــــــصــــــــــــــــــــواط
دارته ليـن عشـري ماتعـود ثمـان=جاء سهم منك وارجعتك بعشره سهوم
راعي المبخـره للنـاس سـره يبـان=البحر يتعـب السبـاح ياللـي تعـوم
=الـــــــــمـــــــــســــــــــعــــــــــودي
ان نظرك الطبيب اللي يعـرف الاوان=ليت والياك خليـت الجبـاري يقـوم
كل ماقلت هـذي قلـت هـذي وكـان=وين ديرة جهينه عـن جبـال البقـوم
=الـــــــــــــــــــصــــــــــــــــــــواط
لو رفيقك معـك بالرمـح والاسنـان=ارطنوا والخلائق قبلكـم يرطمـوم
انت تاكل وتشرب وسط شهر رمضان=والله اني لضدتك غصب حتى تصـوم
=الـــــــــمـــــــــســــــــــعــــــــــودي
انت لاقمت مسحـت الوبـر بالدهـان=لين طلعت راسك عنـد ذرح السمـوم
ماعيلـه ليـا منـي صلبـت البطـان=ساقتي ساق كـل والله غفـور رحـوم
=ثــم بـعـد ذلــك ينـظـم هـــلال السـيـالـي ضـــد المـسـعـودي
=هــــــــــــــــــــــــــــــــــــــــلال
عندنا لك عزيمه مـن مكـان لمكـان=قدرها فالضيـق وصحنهـا فالجمـوم
=الـــــــــــــــــــصــــــــــــــــــــواط
يالرضيع الجواهل طحت في البهلـوان=خشمك اندق مادقيـت ذيـك الخشـوم
=الـــــــــمـــــــــســــــــــعــــــــــودي
روح ليّـم متوعـك ثـم يـادان دان=وانت مانت من الخير الكثير امحـروم
ياصواط انت عضك فيه بعض اليـان=وان نويت الشجاعه صت لك طير بوم
=هــــــــــــــــــلال الــــســــيـــــالـــــي
من يقـدم سمينـه ينجـزي بالسمـان=لقتسمنـا نعـرف قسومنـا فاللحـوم
=الـــــــــــــــــــصــــــــــــــــــــواط
فيك اشاره بدت لاتحسب الجرح هـان=انت مديون والعربان تقضي الديون
=الـــــــــمـــــــــســــــــــعــــــــــودي
ياهلال التمنـي لـك يجيـب الهـوان=ما انت ياهلال قاطع مسك من قرن ثوم
مانذم الغياب ومـن حضـر مايهـان=نعم بالربعه اللـي ماوراكـم رخـوم
=هــــــــــــــــــــــــــــــــــــــــلال
الغنا والفقـر فتنـه وفيهـا امتحـان=رحمـة الله قريـب والدهـر مايـدوم
=الـــــــــــــــــــصــــــــــــــــــــواط
التمنـى يحقـق والـهـدف دوب زان=اصبـروا ياقوييـن الفعـل والسلـوم
=الـــــــــمـــــــــســــــــــعــــــــــودي
الدهـر والفقـر ماردكـم يـوم كـان=لين شفت الدفاع اللـي يصـد الهجـوم
دامت ان المكينه في سخيـف الحسـان=يخلق الله بعـد مهلـت ثلاثيـن يـوم
=هــــــــــــــــــــــــــــــــــــــــلال
كل واحد مـن الطـلاب عنـده بيـان=والنتيجة بعـد منهـا تزيـن الرقـوم
=الـــــــــــــــــــصــــــــــــــــــــواط
الدهر والفقـر تحسبـه انـس وجـان=بو يجي بعث والانشـر عينـك تنـوم