وله في وصف الدنيا
ألا يا عضيدي وين راحوا هل الثنـا=بنشدك حيثك باخـصٍ في أمورهـا
تراني بجي للموت تسلـوم شرعـي=إن قلت لي قضت وفاتت عصورهـا
حياة المذلـة تـرث الهـم والعنـا=وأنا ما تبيـن لي دجاهـا ونورهـا
أرى الناس ناسي بالمجالس وبالرخا=ولاني بعارف خيرها من شرورهـا
على الوجه مرأةٍ ومقـراضٍ بالقفـا=خساير رداها ما تسـاوي سرورهـا
أنا في زماني شـاربٍ كاس ضيمـه=وأصاحيب وقتي خادعتني سبورهـا
يخونـون من لا خان غرّة صحيبـة=عسا الله يجمع كيـدها في نحورهـا
أرى الكذب فرضٍ والنميمات سنـه=وعلى الظلم شيبـانٍ تدنّس بزروهـا
وإن طـاح ليـثٍ نـادرٍ للجماعـة=قامت على راسه تهـاوى طيورهـا
الأيام جـارت وأبلشـت كل خيّـر=الله يعـدينـا مصيبـات جـورهـا