يا موقدين النار جوكم مسامير=وله على ظيانكـم توقودنـه
الله يطيب فالكم يـا مناعيـر=بسلام أحلا من روايح مزونه
ويابو ثمـان ٍ واضحـات ٍ مغاتيـر=غرو ٍ يغـذي بالشمطـري قرونـه
بينـي وبينـه فرقتنـا المقـاديـر=وكم واحد ٍ بيديـه يطـرف عيونـه
وجدي عليهم وجد من طاح بالبيـر=خم الرشا وحال ازرق الجـم دونـه
أو وجد من صكوا عليه المشاهيـر=أزروا هـل العـادات لا يظهرونـه
أو وجد راعي هجمة ٍ بـه خواويـر=حال الرمك ومسطر الغـوش دونـه
أمس الضحى عندي بوسط المقاصير=واليـوم عنـي مبعـدات ٍ ظعونـه
على اشقح ٍ خلف السلف والمظاهير=يتلي قطيـع ٍ مغتـر ٍ مثـل لونـه