تشكر اخ يوسف على ماقدمت ولكن انا انظر للموضوع على انه قمة الابداع اذا استخدم الشاعر مفردات صعبة جدا وغريبة واستطاع ان يوضح للناس معناها من سياق الابيات ...من خلال تجربتي يابو عيسى رأيت ان الناس الي يتابعون بعض ما اكتب يطيرون بالسهل الممتنع السلس كما تفضلت , ويصل الى قلوبهم بسرعة البرق ولكن اغلب القصائد الصعبة الي اتعمد فيها الصعوبة يجبرني على انتقاء اصعب المفردات والتراكيب الحدث نفسه
ونبي نجاريك بوصفك السابق للمرأه بهالمتواضعة
نشدني من يبي وصف الحبيبة والوصف امتاع=بوصفها على كيفي بلا مخدش حيا العفا
ابيها شموس لا خفّه بها ثقل(ن)وزين طبـاع=ابيها حصان منجابه ابيهـا عرهـرة رصفـا
ابيها نوف شموعه ابيها عنقـا حـول البـاع=ابيها مقصد(ن) باهر ابيها مهـرت(ن)هيفـا
ابيها عيطموس(ن) عيطبول الدينت(ن)فرّاع=ابيها نـوار عروبـه دخيمـه لاعب(ن)وطفـا
وسرعوفه ومجدوله وبلها وضاحكـه شمّـاع=عزيزه لامشت متحريه غيلـم وهـي عصفـا
ابيهـا بضّت(ن)رقراقت(ن)براقتـن كشـعـاع=وابيها عروب نـواره وطفلـه ناعـم الكفّـا
ابيها رشوف مثل المسك لاذقتـه فنـا طمّـاع=ابيها غيداء في لين(ن)سواها مالي من شفّـا
وابيها هنّت(ن)لامن حللـت اتحلـل المخـداع=وابيها عانق(ن) ونوار فرعـا شعرهـا يهفـا
وابيها رايعه تبهر ومغروره على الاجماع=بها سحر(ن)يصف معها وسحر عمان في صفّا
خريده وايظا رجراجه انوف(ن)كفّها ذعذاع=بريح المسك والكادي وضيئة حسنها وفّا
الا من قد لقيتولي لها وصف(ن) مع الدلاع=عليكم بالاله ان تخبروني عنّها وصفا
سبق طرقها بموضوع سابق عن انواع النساء مع التعديل
ترى ماهو من السهل التحكم بالمفرده الصعبة بالقصيد حسب ظني
فتجد من الصعب على الشاعر انه يستخدم المفردة الصعبة في الابيات دون ان يخل بالوزن
الا اذا كان متمكن ...عموما وجهة نظري ليش مايستخدم الشاعر المفردة الغريبة والصعبة
اذا استطاع توظيفها بالشكل الصحيح بحيث يفهم معناها من سياق البيت
ولكن ارجع واقول ان الموقف او الحدث هو الذي يجبر الشاعر على انتقاء المفردة وينثرها
امامه سواء كانت صعبة او سلسلة مما يستخدمه الناس في احاديثهم اليومية