من عاش مثلي في الملا دوم يبتلى=.والاحرار ماوى كلّ بلوى ونايبه
ويازي من الاشعار شعرٍ مذبذب=لا فاز بالدّنيا ولا الدين فاز به
شعرٍ يموت وصاحبه حي ما فني=وشعرٍ يعيش بحد ما عاش صاحبه
متى شاب راس الشاب وابيض لون=.فد فات من عمر المعنّى أطايبه
إلى فات له يا صاح سبعين حجّه=فما البيض في لاماه بالعون راغبه
ولا تعفو عن من لا يرى العفو منّه=فالضد عفوٍ عنه يقوي رغايبه
فلا طاعك إلا من فرى الزّان جنبه=ولا هابك إلا من وطى السّيف غاربه
وحريب جَدِّك لو صفا ما يودّك=وعيناه لو تبكي لك الدّم كاذبه
فاحْذَرْ حريبك في الملا فَرْد مرّه=واحذر صديق السّو ألفٍ تحاط به
ومن هان نفسه للملا هان قدره=حتى تشوف الذّر يسعى بغاربه
ومن لا يعدّي عن مراعي جدوده=بالسيف عِدّي عن مراعي ركايبه
وحذراك تبقى راس من هان قدره=فكم فارسٍ أفناه من لا يقاس به
وراسٍ تقصه تكتفي باس شَرَّه= وروحٍ بلا راسٍ فلا جات حاربه
وترى ابرك ساعات الفتى ما بها الفتى=وما فات مات وساعة الغيب غايبه
والعمر عِدّه عارةٍ ولْد ساعه=إلى فات هل تعطى لعمرٍ يعاض به؟
فاغنم متى لاحت من الوقت فرصه=وان هبّ نسناسٍ فاذر في سوايبه
وحياةٍ بلا عزٍّ محا الله حظّها=حياة الفتى ما فاتها العزّ خايبه
فالذّل داءٍ للضّواري يسلّها=كما سَلّ داء السَّل معلوق صاحبه
حياةٍ عداها العز والمجد والثنا=.حياة العنا ليست لْحرٍ مناسبه
فلا بالتمنّي تبلغ النفس حظّها=ولا بالتّأنّي فاز بالصّيد طالبه
ومن لا يعدّي عن حياضه تشرَّع=ومن لا يكرِّم لحيته حِلْق شاربه
والى حلَلْت بدار قومٍ فدارهم=مراعاة قول الله وفي الشرع واجبه
والدار ما يِحْصَرْ عليها وليدها=دار الفتى ما طاب فيها مكاسبه
ومن الراي يا مشكاي خمس تعجَّ=.ونقصٍ تأخّرها جرى بالتّجاربه
الجذّ والتزويج والحرب للعدى=والفرض والقر الذي في مواجبه
والملك تاج ما له إلاّ المصونه=ومن لا يصونه ينزع التّاج واهبه
وامر الفتى في عالم الذّر قِدْ مضى=وما صاب ما اخطا وما اخطاه غايبه
والارواح زرعٍ والمنايا حصيدها=والموت عِدْ وزرع الارواح شاربه
ولا يَدٍ إلاّ يد الله فوقها=ولا غالبٍ إلاّ له الله غالبه
فالى الحر صار العار والذّل حَظّه=فالموت ستر له يغطّي معايه
اشتر تبيع ونافِسْ الناس في الشرا=وحذراً تغرّ وخايب الخال جانبه
وترى شور من لا يستشيرونه الملا=شمعة نهارٍ في ضيا الشمس ذايبه
وترى النصايح في البرايا فضايح=كم ناصحٍ اضحى له الناس عايبه
واهل الزّمان الخير فيهم بضدِّه=والشر خيرٍ ما تأمّلت غايبه
والسالم اللى كَفّ خيره وشَرّه=و من لا يسوّي خير ما جاه نايبه
وسِلْت الزمن وقلت: شِفْ لي مساعد=صديقٍ يناوبني على كل نايبه
تعذَّر زماني واعتذرني وقال لي=مرامك رجالٍ تحت الأجداث غايبه
كثير الورى قد حوَّل الله حالهم=على الدّار والدّينار في الله كاذبه
ومن عَزّت الدنيا قريبٍ تذلّه=ولو كان عزّه بالثريّا مناجبه
فلا خير في مالٍ عن الله شاغل=ولا خير في دنياً عن الله حاجبه
فدنياك لو لك بايعت لاتغرّ=غَدّارةٍ تفري حشا من تصاحبه
اختر سنام الكُوم واحْذَرْ بطونها=ومن يشتري مشرى تداناه خان به
خليلٍ على الشِّرّات ما يستعِز لي=أعدى عداتي باسطٍ لي مخالبه
خليل الجفان ومظهِرْ الود فان خلت=تخلّى فكلب الكلب من لا يحاربه
ومن حَب شيٍ لازمٍ بيطيعه=وينقاد له قود النّضاة المداربه
متى النفس لم توقي من الله شَحّها=فلا للتّقى والدين والعِز طالبه
ومن كان ذا مالٍ ولم يكسَبْ الثنا=فلا المال موفورٍ ولا الحال كاسبه
ولا خير في حالٍ غلا المال دونه=ولا خير في مال حوى ذم صاحبه
وما المال إلاّ ما به الحر يتّقي=مذمّات أفواه البريّات جانبه
وما للفتى إلاّ لبوسه وقوته=وما قدّمه لله في يوم واجبه
وقلب الفتى وان كان ما فيه واعظ=ولا من حديث المصطفى لان جانبه
ولا من كلام ذاب لجبال يا فتى=ما يتِّعظ لو شاف الاطواد ذاهبه
واجهد وجاهد واغنم الروح يا فتى= وحافظ على خمس من الله واجبه
فلا راس مال المرء الا صلاته = فان ضاع راس المال فالحال خاربه
واخشع وفكر عند من انت تنتجى = واعرف بها من انت فيها تخاطبه
بصير يرى ما لا ترى منك سره = ويسمع دبيب الذر بداجى غياهبه
ولا ضر بدر التِّمْ في رابع السما=ما بات كلبٍ نابحه في غياهبه
ولا ينكدر بَحْرٍ ولا ضَرّ موجه=لا ضفدعٍ بالت بطامي غبايبه
ولا عاب قومٍ قَطْ إلاّ حسودهم=ومن عاب شخصٍ عاجزٍ من مراتبه
ومن عاب شخصٍ قبل يبصر بنفسه=زيرى فيه مالا ينحر من معايبه
وكم حافرٍ بيرٍ خباها لغيره=فامسى خديعٍ ذاق فيها معاطبه
ترى حسد الحسَّاد ما ضر غيرهم=ولا حاق مكر السّو إلاّ بصاحبه
والحر ما ضاقت به الخد والفضا=وفسيحٍ ولا فخٍّ للاعدا يصاد به
ولا خير في جارٍ متى ضيم جاره=زولا في خليلٍ بات مضيوم صاحبه
والناس من طينٍ ترابٍ معادن=منه الكرام ومنه سَفْلٍ زلايبه
والاطباع تارِدْبالفتى مارد الرَّدى=وما الدّين والدنيا والاطباع خاربه
والطّبع عضوٍ في ابن آدم مْرَكَّبْ = والاطباع للتّطبيع لاشك غالبه
ومن به جِبِلاَّتٍ من الله حطّها=تزول الرّواسي والجِبِلاَّت ناصبه
وايّاك مد الكف للكف يافتى =ولاّ ليمنى مالك الكون قاطبه
ولا يَدٍ تجود إلاّ عزيزه = ومن جاد ساد وكف يمناه غالبه
فلا عاقلٍ إلاّ جليلٍ مكرّم =ولا قانعٍ إلاّ يحبون جانبه
والاطماع ذلٍ والقناعه معزّه =والصدق نورٍ والتقى صان صاحبه
ومن لا يكون غْناه في داخل الحشا =فالطّرف ما يملاه إلاّ ترايبه
ومن هَوَّن الدنيا على النفس هانت= ومن شالها حملٍ به النفس تاعبه
ومن شال حملٍ فوق ما النفس طاقت = ضلّ القدا واخطا من الراي صايبه
ولا صحّة الإنسان تبقى مدى المدى =لابد من بلوى ونوبات نايبه
ولا شي إلاّ له من الله ضِدّه =فلا حال بالدنيا على حال دايبه
ومنها ........................
كـنـا شـيوخ العز والـعـز عـزنـا =وفي عزنا من عز , تجري مراكبه
وعلى عزنا تبنى بيوت من العلا =وما طال من عز لدى الناس طـالـبه
وحـنا مـلـوك الـدار والـدار دارنـا =مـن عـهـد عـاد إلى أولاد تلادبـه
وحـنـا مـلـكـنـاهـا وقدنا زمامها =ودانـت لـنـا الـدنـيـا وجتنا مداربه
مضى مامضى لي في المنيعي وقومه=وعدنا القوافي في الخلاوي وشاذبه
يقولون عيابي صليبِ قبيلتي=على غير برهان دليلِ وكاذبه
على أني اسمي بالخلاوي دليلهم=فلا أكد المذموم إلا زلا يبه
خلاوي حالَ لا خلاوي قبيله =والانجاس ماتخفى عليها صلايبه
لي في نزار وزرة أكتفي بها=ولي في نزار الجود أعلى مناسبه
ولي في رياض الخير نامي قطوفها=ومن منهل التحقيق أعلى مشاربه
ولي من منازل أهل فضلِ سنامها=ومن كل فن طايبِ لي أطايبه
ولي عند أهل الحلم والعلم والتقى=أيادي ولي من صوب بغداد جاذبه
وشيخِ وشامخ هم هل الطول والعلا=ومن ،،، من ساد البرايا مجاذبه
ولي من طريق أهل الطريق الذي لهم =من الفوز نشرِ قاله الله واجبه
علوم بصدري من شيوخي حفظتها=رواسِ توقيني عن ابليس حاجبه
على مجرى فكرت واحترت بالورى=ماقال بعض الناس عني وفاه به
فيا جاهلِ بي لي حكاةِ وقصه=واسباب جات بها من الله نايبه
فلا عابني إلا عدو ملدد=فاسمع حباك الله ما جاك واجبه
جارِ لنا في الله لله طيب=عفيف الورى مستمسك الدين جانبه
سطا به من الانذال كلبِ مطرق=مدري خليع أوله مرامات خاربه
فساقتني الاقدار ياحي حيها=ولا الجار فوق الخد يوطا بغاربه
ونادى ونادى انني جار راشد=وربات دار الجار تبكي ونادبه
فلما رأيت الجار في حالة البلا=من جور كلب الحي والدم سال به
تنحى زنادي عن فؤادي وقال لي =من لايعز الجار لاعز جانبه
وجتني على جاري لك الله غيره=كما غار اسد الغاب وازور حاجبه
وضربت من فاجا قصيري بضربه=بمصقلِ يابى تلامي مضاربه
فاجاه يمنى لليماني تزينه=واودعت ظامي الخد لدماه شاربه
ومفرجٍ غبني على الغوج في الوغا =في حومة الميدان والخيل قاطبه
ومسقي لمصقولٍ شكا لي من الظما =من دم مضروبي ومروي مشاربه
وضربت من فاجا قصيري بضربه =بمصقلٍ يأبى تلامي مضاربه
فاجاه يمنى لليماني تزينه =واودعت ظامي الخد لدماه شاربه