في يوم من الايام كنا طالعين انا وبعض الاصدقاء للصمان 0 ويوم وصلنا نصبنا خيمتنا ومحطنا بذاك الخروف اللي كنه هرفي وجلسنا نشوف شغلنا اللي يشوي واللي يطبخ واللي يصلح القهوة والشاي0 وكنت انا اصلح القهوة والشباب لاهين بشغلهم0 ومادريت الا ذاك التمساح اللي اكبر من الوانيت يتبطح جنبي وانا اطالع له ذيك النظرة والله وانقز واخذ الملقاط وانطح التمساح كني فارس على فرس واقول لعيناكم يالربع وانا ابو مياس والله اني لاجيب راسه لكم او اقل شي عكرته ويوم وصلت عنده وهو يفتح فمه وانا ارفع الملقاط ابي اضربه مادريت الا يوم اكلني انا والملقاط ورجع لجحره0 وبس