ليت ابو وجهين يرتاح من بعض الكلام
لو يقول الشمس تشرق هنا ما اصدقه
وجهه الاول تخلى عنه وانهى الملام
ثم جا بالثاني اليوم يبحث ل اصدقه
راعي الوجهين مكروه وحياته هلام
لو سكن في قصر والا سكن في صندقه
كم يسبب من مشاكل لشيبه والغلام
ينقل النمه ويخفي البلاء خلف احدقه
كل ما ناظر لمسلم شكى عنده ولام
لين يامن له والا غاب حقه يسرقه
عل ابو وجهين يشقى ويبلى بالبلام
يمكن ان الناس ترتاح من نار احقده
يالله اني اطلبك في حرب والا في سلام
الثبات على المبادي وكره الزندقه