هذه مجرد مجاراة للشاعر / متعب المتعب
وهي كيبوردية في اثناء مذاكرة مادة مهارات الإتصال
فأرجوا ان اكون قد بلغت ولو نصف مجاراته بالحرف والمضمون
قصيدة متعب المتعب
http://www.fatahilah.com/showthread....282#post496282
بنت السبيت اللي ترد يمة النبع=ماهمها ياصاحبي شايب الهـــاص !!
والنبع .. دونه ناس .. والناس للسبع=والسبع ناسه .. بينهم ود واخلاص
مرت على نبع المعظـّم .. غدا ضبع=يحلو لها صيد الضبع وسط مقناص !!
قالت لنا جلّه .. واخلـّـي لكم .. رُبــع=والناس تحسب ربع الارباع .. مخلاص
والضبع سبع .. ان غابت اللي لها تبع=يمسي على فصه .. ويصبح على افصاص
والرُبع تلقح .. والمواليد للرَبع=يعطونهم عن شدة البرد . . أقراص
يدفون .. والحارس : يطق اصبع بصبع=يرمون له بين المواليد .. أجـّـاص !!
لالايهمك لابدت .. يلبس القبع=واتدللّــه .. لنـّـه عطا العام والخاص !!
لو هو تطبع بالكرم يغلب الطبع!!=لحظه عطا .. والا اكثر الوقت مصاص !!
سلم على السـِّـبته الياجيت للنبع=مادامت (ادلّـل) على شايب الهاص !!
وهذه هي المجاراة
@
@
سلام يا متعب أيا خيرة الربْع = من قلبي اللي اسمكم صار به خاص
بنت السبيت اليا اوْصَلَت غاية الشبْع = اهدت بقايا الجُل مَن هبَ فحَاص
مستوليه ع العرش من دون ما كبّع = وامبلغ الإعراض ما هلّ برصاص
وازرت على عرش الجبابرْ بها صَبْع = والمشكلة كانت بها عيب ونقاص
والناس ازروا بيدها لعبة الجبْع = يهنون بالتمره ولا فيه محّاص
امثالهم فنانةٍ صابها الهبْع = اتطيع من هو قادها .. ما هي ابعاص
والضبع لا منه امن يهجر الخبْع = ويصير سبعٍ لا وفي الصيد قرناص
يرضى لها جله ولو أعطت السُبْع = يلقح ابوه وحولها هاض رقّاص
والأقربون أولى ولو كانوا الرَبع = لهم مواليد الضَّبِع نصّ ونصاص
يظن أن الربْع صاروا له ابتبْع = يفزع لهم والقصد يسلم من العاص
والسبته اليا باحت المكر والزبع = باعوه ربعه حينها ابكلّ إخلاص
سلم على السبتّهْ إذا جات للنبع = يا متعبٍ واضحك على شايب الهاص
تحياتي لمتعب المتعب خاصه وللجميع عامه
ماجد المهدي