رد على: أم زياد " أم الخير " تحت الأضواء حياك الله
أسمحي لي اختنا الفاضلة أن ابدأ بأسئلتي وعسى ان تكون خفيفة ظل على قلبك الطيب تفضل -الاسم : أم زياد وأخوانه 2- العمر:1970/م 3-الجنسية :سعودية 4- مكان الولادة :الرياض 5- مكان السكن: الرياض 6- هوايتك المفضلة :الرسم والتصاميم الهندسية وتصاميم الأزياء لكن للأسف ما نميتها لكن إذا طلب مني أو إحتجت أي تصميم مختلف أصمم لنفسي لأني صراحة أحب التميز وليس التمييز والقرآءة في أي شي يطيح بين يديني والطبخ 7 - تجربه عظيمه مررت بها وأيقنت منها بالمثل القائل " الحلم سيد الأخلاق " التجارب كثيرة ولو بكتبها تبي لها صفحات لكن غالباً الحلم والصبر توصلك للحق دائماً وينصرك الله على من ظلمك 8- هل تذكرين بعض من معالم منطقتك وعن العادات والتقاليد ومراسم الزواج والتي في منطقتكم . لا والله ما أذكر شي لاتكونون تحسبوني أم ستين سنة ونجد عموماً ماعندهم شي يذكر من ناحية الزواج COLOR]9-كيف بدأت مشوارك مع الفطاحلة وكيف عرفت بأنك تمتلكين تلك المواهب . مشواري بديته عادي وكنت في عدة مواقع قبل لكن بعد ماتعرفت على الفطاحلة تقريباً صار هو بيتي وأمر على باقي المواقع وكيف عرفت إ،ي أمتلك تلك المواهب !!؟؟ أي مواهب الله يصلحكم بتخلوني أصدق لكن أنا أعرف إنو إللي يقول الحق بشرط يثقف نفسه من جميع النواحي بيكون عنده مقدرة على الإقناع أنا عرفت إني عندي مقدرة على الإقناع من شفت أبوي يصدرني لأخواني إذا بغاهم يقتنعون بشي لأن أبوي يعصب على طول ويتهاوشون ويقومون ماحلوا المشكلة إلا زادوها مشكلة ثانية ورأي أم زياد مسموع ويجد التأييد دائماً في كل مكان ولله الحمد أما الكتابة فأنا متعودة على قرآءة مجلة الفيصل والعربية والمنهل <<ياقدمتس من كنت في الصف السادس الإبتدائي وكان عندي حب الإطلاع ولله الحمد أفادني كثير 10 - القصيدة المفضلة أعجبتك وأثرت بك: القصيدة التي أثرت والله كثير وماتحضرني غير واحدة كل ماقريتها بكيت لأنها تحكي حالي ممكن وهي ((يمة علامك ماتردين الصوت)) وبحاول أنزلها هنا بإذن الله ا11- لبلد العربي المفضل :ديرتي السعودية 12- السياحة العربية المفضلة :نفسي أشوف بلاد المغرب من تونس والمغرب والجزائر 13- الاعضاء المفضلين : والله كلهم خير وبركة لكن أحب العضو والعضوة اللي أحس أنه حي ويحرك المنتدى بنقاشاته ومعلوماته واللي يقول الحق دائماً ويبعد عن المجاملات -العضوات المفضلات : والله كل البنات هنا قمة وماأقدر أذكلر وحدة دون الثانية لكن سوف أذكر أختنا الكبيرة الخنساء فهي أختنا الكبيرة هنا وإذا شفت إسمعها أحس كتلة حنان ورحمة وعقلانية في المتدى 15 - كلمة تحبين أن توجهيها للاعضاء كلمة أوجهها للجميع أول شي ----أقول لهم إللي أنا غلطت عليه يسامحني لأنه ممكن يطلع من الإنسان كلمة ماأعطاها إنتباه وتكون حزت في نفس أحد الموجودين دون ما أحس أنا ولأني بطبعي صريحة زيادة وثانياً---ياليت نكون متعاونين أكثر ونتشارك في الرقي بهذا الموقع من خلال مشاركنتا في أغلب المواضيع والنقاش فيها إذا إحتاج الموضوع نقاش حتى اللي يدخل الموقع يحس بحيوية الموقع 16 - متى تجدين الوقت المناسب لنثر عبيرك في المنتدى ؟ الوقت المناسب إذا كان هناك موضوع يستثيرني ويخليني أطلع الدرر المخزونة هههههههههههههه مع تحيتي القلبية لك ولجميع االأخوان والأخوات ولك من احبك أقول العفوأخي وشاكرة لك حسن إستضافتك لي تفضلوا بأسئلتكم وإستفسارتكم وأرجو للجميع وقتا ممتعا اخوكم / مراقب تحت الأضواء ( محمد بن عبدالله السلمان )