مدرستي الاعداديه ،،
اخر مره شفتها السنه الماضيه
رحنا لها زياره من مدرستنا الثانوية ،،
اشتقنا لايامها و لجناننها ،،
و ساحاتها و كل شيء فيها ،،
و كيف كان مقصفها يصفونا بالعصا
هههههه و اول ما تروح الابله نخربه ،،
و كان عندنا مكان نسميه النفق ،،
لانه ممر ضيق و مظلم ،، يودي لقاعه الرياضه ،،
من جد اشتقت لها ،،
و اكثر شيء المعلمات
كانت علاقتنا حلوه مع الابلات
لانهم مو مره كبار اعمارهم قريبه مننا
يندر تلقى ابلة عمرها فالاربعين
حدهم الثلاثين ،،
كنا نركض معاهم ،
و في الرحلات نصدمهم بالسيارات ،،
و نسولف معاهم في الحصص يعني مو كلها دراسه ،،
يحكوا لنا و نحكي لهم ،،
و مقالب ببعض ،،
كان عندنا ابله انجليزي اسمها اليازيه
كل ما مشيت معانا مكان تدخل بالباب او الجدار
و تضرب راسها دايم طاااااااخ هههههههه
و تقولنا لا تخبرون البنات
و نحن ما نصدق على الله و ننشر الخبر
و من تدخل الصف البنات يقولون الحمدلله عالسلامه
و تقولنا هين اوريكم ههههههه ،،
كانت دايم تورينا افلام انجليزيه عشان تفيدنا في اللغه ،،
و ورتنا مسلسل ياباني ترجمته انجليزي ،،
اسمه ون ليتر اوف تيرز ،،
قصته حقيقيه ،،
بعدين احكي الباقي ،،
عن الفيلم و عن المدرسه الاعداديه و الابتدائيه << تعبت ،