[النهج المختلف]

اكبر خطأ لاصرت بالقلب محكوم = والعقل غايب ما اخذ بالقياده
تصير مثل الغصن بالريح مبروم= ويلعب براسك من بغى في هواده
تجي على وجهك ولا تمنع اللوم= وتخسر اعز الناس لحظة قراده
بعض البشر لو كان بالعقل معلوم= في لحظةٍ يخسر بحمقه رشاده
ولو تنصحه يرفض ولايقبل السوم = من عقب ماهو يستمع في ركاده
لو هو خطا عنده ترى الأمر محسوم= اما معه وإلاّ انت ضمن الضداده
ولو كان ظالم يرتدي ثوب مظلوم= واذا كشفته ما سلمت انتقاده
ولا قلت كلمة حق فالحق مذموم = محدٍ يبيه بوقت مايل شداده
وانا احب الحق في الحق مفطوم= ومن راد غيره ما لقى بي رفاده
الله خلقني حر ما نيب ملزوم = اساير الـْ وقتٍ تبيّن فساده
حتى ولو اخسر عزيزٍ من القوم= ولا خسارة من يحاسب عباده

[/QUOTE]

الله الله , , , على المعاني الرائعة فيها سحر عجيب ,,,,,

الطائر المهاجر صح السانك ,,,,

والله مدري وشقول وش اخلي ...

الله يعطيك العافية يامبدع وياجزل ويادكتور يابحر الشعر ,,,,

لاهنت يابوعبدالله ولاهان راسك العذب ,,,,

تحياتي لك وتقديري ,,,,