اخواني الفطاحله الكرام
بمناسبة فوز الشاعر محمد بن فطيس
بجائزة شاعر المليون راودتني هذه الكلمات البسيطه
وحظ اوفر لبقية الشعراء المبدعين
آمل ان ترقى الى ذائقتكم
يابحور الشعر وش ذنب القصايد= كيف ياشعار تنباع القصيده
اشتكت لي همها بين الجرايد=قلت ماعندي كتاب ولا جريده
قالت التاريخ من طرياي خالد=انشد العبسي وقيس وسل زبيده
قلت انا شاعر ولك بالقلب شاهد= مير ماباليد حيله ياعنيده
قالت اني خايفه حولي مصايد= صرت سلعه للذي زايد رصيده
كنت في صدر الصحف كني قلايد= واتركوني اليوم وضروفي شديده
نزلوني للمزاد وصرت اناشد= كل من يفهم ويحفظ بي نشيده
مالقيت الافتى من دار زايد= عزني واهدى لي الفكره الرشيده
جوني الشعار في حفل ابن راشد=كل شاعر ماملى من ودي ايده
غير واحد ذاب في حبي وعاند = فاز بالمليون بالرميه السديده
قلت ماشاء الله عنده حرف كايد=بن فطيّس ياعسى ايامه سعيده
وادعي الله يحفظه من كل حاسد=شاعر المليون عاد اليوم عيده