[الطائر المهاجر]

الغرب يضربنا بغاز وصواريخ = وحنا نتلقى ضربته بالهواشي
مابين محتجٍّ على فعلة الذيخ = وما بين جاهل في دروب النقاشي
وما بين صامت ما يبي أي تدويخ = ضامن بتال الشهر يقبض معاشي
ياسامعي بنشدك في اي تاريخ= يستسلم الإنسان عند الهتاشي
لا من نوى العادي يفصخه تفصيخ= وياخذ حلاله لو هزيل المواشي
ويهتك بعرضه من بناتٍ مماطيخ= ويهدم بويته لو بقايا عشاشي
ان كان قاوم قيل لاترحموا الشيخ= متمرد ارهابي خشاش بخشاشي
خارج على قانون حكم المماسيخ= اللي ركزهم عمهم باللطاشي
وياجاهلٍ بالشرع خل التلابيخ= الشرع واضح ما يبي له غشاشي
حنا على المله ولانّا من السيخ= حتى يجاز الحرق فوق الفراشي
من لايدافع دون دينه فزرنيخ = ومن لايدوش الخصم لزماً يداشي
ومن لاحمى عرضه يدنس بتوصيخ= ومن لافزع للجار ملعون خاشي
ولا يستحق العيش من عاش تبذيخ= واهله جواعا تحت نار الأباتشي